Protesta para Kuvendit u shoqërua me përplasje mes protestuesve dhe policisë, ndërsa disa persona u shoqëruan nga efektivët. Brenda sallës, opozita kërkoi debat për zhvillimet në SHISH, ndërsa ish-drejtoresha Vlora Hyseni u paraqit në Gjykatën e Posaçme në lidhje me masën e sigurisë ndaj saj.
Projektligji që ul numrin e bashkive nga 61 në 46 hyri në shqyrtim parlamentar, ndërsa në disa nga 15 njësitë që pritet të humbasin statusin e bashkisë, këshillat vendorë dhe banorët kanë votuar, protestuar ose ngritur peticione kundër bashkimit.
Eurodeputetë dhe deputetë shqiptarë vizituan të martën Zvërnecin për të parë nga afër projektin e parashikuar në zonë, ndërsa Parlamenti Evropian kërkon ndryshime në ligjin për zonat e mbrojtura dhe banorët vijojnë të kundërshtojnë zhvillimet e planifikuara.
Shkolla jopublike “Udha e Shkronjave” kërkoi heqjen e nderimit shtetëror dhe të pushimit zyrtar për Nënë Terezën, pasi nderimi “Naim Frashëri” nuk u përfshi në sistemin e ri të dekoratave dhe kjo u paraqit si heqje e cilësimit “Poet Kombëtar”. Pretendimi e riktheu figurën e Shën Terezës në qendër të një diskursi dezinformues, që e vendoste përballë figurës së Naim Frashërit.
Protesta e paralajmëruar u zhvillua të enjten paradite përpara Kuvendit të Shqipërisë, në të njëjtën kohë me seancën plenare. Përplasjet mes një pjese të protestuesve dhe forcave të rendit u shoqëruan me hedhje vezësh ndaj efektivëve, tentativa për të shtyrë kordonin policor dhe shoqërimin e disa protestuesve.
Organizata për Mbrojtjen dhe Ruajtjen e Mjedisit Natyror në Shqipëri (PPNEA) u është drejtuar deputetëve të Kuvendit me një letër të hapur, duke kërkuar nisjen e procedurave parlamentare për shfuqizimin e ndryshimeve të vitit 2024 në ligjin për Zonat e Mbrojtura dhe rikthimin e kuadrit ligjor të vitit 2017.
Drafti i Reformës Territoriale që parashikon shkrirjen e Bashkisë së Dimalit me Beratin ka sjellë reagime nga banorët, të cilët protestuan kundër propozimit, ndërsa kryetarja e bashkisë, Juliana Memaj, e kundërshtoi me argumente historike, ekonomike dhe demografike. Protesta kundër draftit janë zhvilluar edhe në bashki të tjera të vendit, ndërsa kryeministri Edi Rama reagoi duke mbrojtur procesin e Reformës Territoriale dhe fazën e konsultimit publik.
Protesta e zhvilluar të enjten përpara Kuvendit u shoqërua me përplasje mes protestuesve dhe Policisë së Shtetit, përdorim të mjeteve për shpërndarjen e turmës dhe shoqërimin e dhjetëra personave. Mes tyre ishin aktivistë të lëvizjes “Revolucioni i Flamingove” dhe gazetarja e “Citizens.al”, Vjolanda Peca, çka solli reagime nga Organizatat e Shoqërisë Civile për mosrespektimin e lirisë së tubimit dhe të medias.
Qytetarë të mbledhur në protestë para Kuvendit të Shqipërisë qëlluan me vezë automjetet e deputetëve dhe ministrave gjatë mbërritjes së tyre në seancën plenare. Protesta u zhvillua nën masa të forta sigurie dhe u shoqërua me thirrje kundër qeverisë dhe përfaqësuesve politikë.
Kuvendi miratoi ndryshimet ligjore që lejojnë vendosjen e parqeve eolike në toka bujqësore, me argumentin se do të nxisin zhvillimin e bujqësisë moderne dhe përdorimin e energjisë së rinovueshme. Deputeti socialist Erion Braçe votoi kundër, duke argumentuar se toka bujqësore duhet të përdoret për prodhim ushqimor dhe jo për aktivitete industriale.
