Një koalicion organizatash të shoqërisë civile i kërkoi Kuvendit të Shqipërisë rishikimin e ligjit për zonat e mbrojtura, duke argumentuar se ndryshimet ligjore hapin rrugë për zhvillime në zona me vlera të larta natyrore. Kërkesa vjen në një kohë kur shqetësimet për ndikimin e zhvillimeve të reja në ekosistemet e mbrojtura mbeten të larta.
Deklaratat e deputetit socialist Ardit Bido ndaj drejtoreshës së BIRN Albania, Kristina Voko, kanë shkaktuar reagime nga organizatat e medias dhe shoqërisë civile. Sipas tyre, deputeti ka shtrembëruar qëndrimet e saj mbi të drejtat e pakicave në media, duke e lidhur padrejtësisht me kundërshtimet ndaj projektit turistik në Zvërnec dhe duke përdorur gjuhë linçuese ndaj saj.
Organizatat e shoqërisë civile vlerësojnë rishikimin e kuadrit penal për shpifjen, por paralajmërojnë se ndryshimet e miratuara nuk garantojnë mbrojtje të barabartë të lirisë së shprehjes. Ato i kërkojnë Kuvendit të rikthehet te dekriminalizimi i plotë për të gjithë individët.
Pas shkatërrimit të pjesshëm të monumentit “Muret e Portës” në Porto-Romano Durrës, aktivistët dhe organizatat joqeveritare kanë kërkuar që të merren masa për të mbrojtur një pjesë të murit dhe kullës antike me funksion fortifikimi. Monumenti i shekullit V të Erës Sonë u propozua të përfshihet në programin “7 Monumentet më të rrezikuara në Europë”, të Organizatës Europa Nostra.
