Shkolla jopublike “Udha e Shkronjave” kërkoi heqjen e nderimit shtetëror dhe të pushimit zyrtar për Nënë Terezën, pasi nderimi “Naim Frashëri” nuk u përfshi në sistemin e ri të dekoratave dhe kjo u paraqit si heqje e cilësimit “Poet Kombëtar”. Pretendimi e riktheu figurën e Shën Terezës në qendër të një diskursi dezinformues, që e vendoste përballë figurës së Naim Frashërit.
Protesta e paralajmëruar u zhvillua të enjten paradite përpara Kuvendit të Shqipërisë, në të njëjtën kohë me seancën plenare. Përplasjet mes një pjese të protestuesve dhe forcave të rendit u shoqëruan me hedhje vezësh ndaj efektivëve, tentativa për të shtyrë kordonin policor dhe shoqërimin e disa protestuesve.
Itineraret e një avioni të regjistruar në Poloni, të paraqitura në hartat e trafikut ajror në internet, u përdorën në rrjetet sociale për të ngritur dyshime dhe akuza të pambështetura për zjarrvënie. Verifikimi i Amforës nuk gjeti prova që e lidhin avionin me zjarret, ndërsa sipas një drejtuesi të Aeroportit të Tiranës, ai po kryente fotografime ajrore.
Mbi lumin Shushicë, Ura e Bratajt, Monument Kulture i Kategorisë së Parë, ndërthur vlerat historike me jetën që zhvillohet pranë lumit gjatë verës. E rrethuar nga shkëmbinj, gjelbërim dhe ujërat e Shushicës, zona frekuentohet nga banorë dhe vizitorë që ndalojnë për të pushuar, për t’u freskuar dhe për të përjetuar nga afër peizazhin e luginës.
Administrata dhe sekretarët gjyqësorë të Gjykatës së Tiranës ndërprenë të martën shërbimet për shkak të mosmarrjes së pagave të gushtit, ndërsa bojkotit iu bashkua edhe administrata e Gjykatës së Apelit. Në Gjykatën e Tiranës dhe në Apel po zhvillohen vetëm seancat që lidhen me masat e sigurisë.
Zjarret që përfshinë Shqipërinë gjatë verës u shoqëruan nga një valë postimesh që i lidhnin pa prova me turistët dhe shtetasit izraelitë. Pretendimet u përsëritën nga Kruja në Himarë, ndërsa të dhënat zyrtare nuk e mbështesin këtë lidhje dhe ekspertët e turizmit paralajmërojnë se narrativa të tilla mund të cenojnë perceptimin e Shqipërisë si destinacion i sigurt.
Gjykata Kushtetuese kërkoi të hënën zbatimin e vendimit të saj për pagat e magjistratëve, pas ngërçit të krijuar me listëpagesat e muajit gusht. Gjykata sqaroi se mënyra si ka përllogaritur pagat e administratës së saj nuk përcakton detyrimet që vendimi sjell për autoritetet përgjegjëse.
Dy persona u arrestuan në Fier dhe Lushnjë nën dyshimin për zjarrvënie, ndërsa njëri prej rasteve preku një sipërfaqe të pyllëzuar në zonën e mbrojtur Divjakë-Karavasta. Agjencia Kombëtare e Mbrojtjes Civile raportoi 8 vatra zjarri aktive në vend.
Nga kodrat e gjelbëruara deri te shkëmbinjtë buzë detit, resortet dhe vilat po ndryshojnë me shpejtësi pamjen e bregdetit të Sarandës. Peizazhi po copëzohet mes ndërtimeve të reja, ndërsa zhvillimi turistik prek natyrën, territorin dhe në raste të dokumentuara edhe trashëgiminë arkeologjike.
Banorë dhe përfaqësues vendorë protestuan të premten në Poliçan kundër propozimit për shkrirjen e bashkisë dhe bashkimin e saj me Beratin. Anëtarët e Këshillit Bashkiak kanë paralajmëruar dorëheqjen, ndërsa protestuesit kërkojnë që kundërshtimi të zhvendoset edhe përpara Parlamentit.
