Zjarri shkaktoi dëme në 6 banesa në Himarë dhe 36 persona u evakuuan, ndërsa Forcat e Armatosura vijuan operacionet gjatë natës. Situata mbetet problematike edhe në Levan, ku po ndërhyhet nga ajri për të penguar avancimin e flakëve drejt zonave të banuara.
Gjykata e Tiranës la të lirë pa asnjë masë sigurie 14 protestuesit e arrestuar pas tensioneve të 1 shtatorit para Kryeministrisë. Prokuroria kishte kërkuar “detyrim paraqitje” dhe ndalimin e qëndrimit në zona të caktuara të Tiranës.
Zjarri që prej ditësh vijon në Lundre të Matit është afruar të premten pranë banesave, ndërsa terreni i vështirë pengon ndërhyrjen për shuarjen e flakëve. Ministria e Mbrojtjes raportoi 8 vatra aktive në vend, ndërsa era po favorizon përhapjen e flakëve.
Dokumentet dhe të dhënat për Sazanin dhe Nartë-Pishë Poron do të bëhen të aksesueshme për publikun brenda disa javësh, sipas kryeministrit Edi Rama. Ato do të publikohen përmes platformës “Flamingo Mirror”, ndërsa deklarata vjen tre muaj pas nisjes së protestave qytetare që morën emrin “Revolucioni i Flamingove”.
Dy shpërthime me lëndë plasëse u regjistruan brenda 40 minutave në Durrës, njëri në një lokal dhe tjetri në një garazh. Ngjarjet e çojnë në 5 numrin e rasteve të lidhura me eksploziv në qytet në rreth një vit e gjysmë, ndërsa asnjë prej tyre nuk është zbardhur.
Katër vatra zjarri mbetën aktive mbrëmjen e 1 shtatorit në vend, ndërsa harta e zonave të prekura u zgjerua edhe në Skrapar. Sipas Ministrisë së Mbrojtjes, nga 17 vatra të raportuara, 11 u shuan dhe 2 të tjera mbetën nën mbikëqyrje.
14 protestues u arrestuan pas tensioneve të shënuara mbrëmjen e 1 shtatorit para Kryeministrisë. Ata akuzohen se bllokuan hyrje-daljet e institucionit dhe kundërshtuan efektivët gjatë ndërhyrjes, ndërsa përfaqësues të protestës i cilësuan të arrestuarit si paqësorë dhe reaguan kundër asaj që e quajtën “dhunë të shtetit”.
Banorët e prekur nga projekti “TID Durrës” i kërkuan bashkisë dhe institucioneve të tjera pezullimin e menjëhershëm të projektit dhe nisjen e procedurave për anulimin e tij. Kërkesa vjen pasi qeveria shfuqizoi vendimin e vitit 2020 që shpallte një pjesë të Durrësit zonë të re për zhvillim, mbi të cilin banorët argumentojnë se janë mbështetur vendimmarrjet e mëvonshme për projektin.
Gazetarët që ndjekin seancat gjyqësore në GJKKO përballen që prej 1 shtatorit me rregulla të reja, mes të cilave është edhe kufizimi i përdorimit të telefonave celularë. Shoqata e medias ngriti shqetësimin se rregullorja ndikon drejtpërdrejt në punën e reporterëve dhe paralajmëroi hapa kundër vendimit.
Gjykata e Durrësit caktoi masën “arrest në burg” pa afat për xhaxhain e kamerierit 18-vjeçar të dhunuar në Golem, i cili u kap i armatosur teksa po shkonte drejt hotelit ku kishte ndodhur ngjarja. Më herët, gjykata la në burg për 45 ditë edhe dy të arrestuarit për dhunimin e të riut.
