Edicioni i dytë i Bienales Ndërkombëtare të Artit Bashkëkohor sjell në Durrës veprat e 45 artistëve, në 34 pavijone kombëtare. Deri më 31 tetor, qytetarët dhe vizitorët mund të shohin instalacione, piktura dhe skulptura që trajtojnë jetën në periferi, kujtesën dhe përjashtimin shoqëror.
Arkitektja Entela Koja-Spahivogli, përfaqësuese e banorëve që kundërshtojnë projektin TID Durrës, u shoqërua nga policia gjatë protestës së zhvilluar në kohën kur presidentja e Komisionit Evropian, Ursula von der Leyen, ndodhej në Tiranë. Koja qëndroi rreth pesë orë në Komisariatin nr. 1 dhe e konsideroi ndërhyrjen si përpjekje për intimidim.
Durrësi shënon Ditën Kombëtare të Trashëgimisë Kulturore në vitin e 60-vjetorit të zbulimit të Amfiteatrit, ndërsa institucionet njoftojnë konservim dhe gërmime të reja në monument. Përreth tij, projekti TID vijon të shoqërohet me kundërshtime të banorëve për ndërhyrjet, pronat dhe mënyrën se si po ndryshon zona historike e qytetit.
Bashkia Durrës ka propozuar ndërtimin e 3 parkimeve nëntokësore, përfshirë një pranë Mauzoleumit të Dëshmorëve, në një zonë ku janë dokumentuar struktura arkeologjike të periudhës romake. Megjithëse projekti ka avancuar, institucionet nuk kanë sqaruar ende se çfarë masash do të merren për mbrojtjen e trashëgimisë arkeologjike gjatë ndërhyrjeve, duke rrezikuar rrafshimin e tyre.
Banorët që kundërshtojnë projektin TID Durrës diskutuan situatën pas shfuqizimit të PDyV-së së Zonës 5 dhe hapat për pronat e prekura. Gjatë forumit u njoftua edhe krijimi i Forumit Këshillimor Vendor, që synon një organizim më të qëndrueshëm qytetar.
Projekt-ideja për rivitalizimin e Kalasë së Elbasanit përfshin analizën e 434 ndërtesave të lagjes “Kala”, si bazë për ndërhyrjet e propozuara në zonën historike. Ndërsa institucionet e paraqesin rivitalizimin si një ndërhyrje për ruajtjen e trashëgimisë dhe zhvillimin e zonës, banorët kundërshtojnë mënyrën e trajtimit të objekteve, ndikimin mbi pronat dhe ndryshimet që mund të sjellë në një lagje të banuar prej brezash.
Kontrolli i Lartë i Shtetit evidentoi problematika në politikat, financimet dhe investimet në fushën e kulturës dhe trashëgimisë kulturore, gjatë auditimit të (ish-)Ministrisë së Ekonomisë, Kulturës dhe Inovacionit. Gjetjet prekën nga Strategjia e Kulturës dhe financimi i projekteve artistike, te Bonusi i Rijetëzimit dhe ndërhyrjet në disa objekte të trashëgimisë kulturore.
Dy vite pas zbulimit të strukturave arkeologjike në territorin e Gjimnazit “Gjergj Kastrioti” në Durrës, gjetjet janë lënë të mbuluara nga bimësia dhe të ekspozuara ndaj faktorëve atmosferikë që rrezikojnë degradimin e tyre. Teksa ndërtesa e gjimnazit u shemb pas dëmtimit nga tërmeti i 26 nëntorit 2019, ende nuk është vendosur për kushtet e rindërtimit të tij.
Vendimi i fundit i qeverisë shfuqizon një akt të vitit 2020 që lidhej me procesin e rindërtimit në Durrës, por nuk anulon projektin TID. Mbivendosja e disa prej banesave të përfshira në zonën e rindërtimit me ato që preken nga TID-i krijon një situatë të re për zbatimin e projektit, prej muajsh i kundërshtuar nga banorët.
Xhamia e Muradies është një nga monumentet më të vyera të trashëgimisë kulturore në Vlorë, duke ruajtur ndër shekuj vlerat historike, arkitekturore dhe shpirtërore. Hijeshia që e dallon dhe historia që mbart e kanë shndërruar në një prej simboleve më përfaqësuese të qytetit.
