Policia zbuloi në Manzë të Durrësit një arsenal armësh dhe municionesh, që dyshohet se shërbente për furnizimin e grupeve kriminale, ndërsa arrestoi një 20-vjeçar. Në një operacion tjetër në Tiranë u arrestua një 52-vjeçar që dyshohet se transportonte granata luftarake dhe tritol me qëllim shitjen e tyre.
Gjykata e Durrësit ka caktuar masat e sigurisë për tre ish-punonjëse të filialit të Postës Shqiptare, të dyshuara për përvetësimin e fondeve të destinuara për pensione dhe ndihma sociale. Ish-drejtoresha Elisabeta Mataj do të hetohet në arrest me burg, ndërsa shefja e financës Valbona Duni dhe arkëtarja Paola Danaj në arrest shtëpie.
Hetimet në filialin e Postës Shqiptare në Durrës çuan në ndalimin e drejtoreshës, shefes së financës dhe arkëtares së institucionit. Sipas Policisë, ato dyshohen se kanë përvetësuar 69 milionë lekë të destinuara për shpërndarjen e pensioneve dhe ndihmave sociale, ndërsa Posta Shqiptare kishte deklaruar më herët se rasti i konstatuara nuk kishte lidhje me fondet e pensioneve apo me pagesat e pensionistëve.
Ajo që nisi si një reagim kundër ndërhyrjeve në zonën e mbrojtur të Zvërnecit, brenda pak javësh u shndërrua në një lëvizje qytetare që mblodhi aktivistë, të rinj, familje, organizata dhe qytetarë nga e gjithë Shqipëria. Në ditën e 45-të të protestave, Amfora sjell kronologjinë dhe evolucionin e protestës të pagëzuar si “Revolucioni i Flamingove”, si një simbol i mbrojtjes së natyrës dhe pjesëmarrjes qytetare.
SPAK dërgoi në gjykatë 15 persona, të akuzuar për trafik ndërkombëtar të lëndëve narkotike dhe pjesëmarrje në grup të strukturuar kriminal. Sipas Prokurorisë, grupi dyshohet se trafikoi mbi 8.1 ton drogë nga Amerika Latine drejt vendeve të Bashkimit Evropian, duke përdorur komunikime të koduara në platformën SkyECC.
Organizatat e shoqërisë civile kanë kërkuar hetim të pavarur për pretendimet e dhunës ndaj protestuesve të arrestuar pas protestës së 2 korrikut, duke vlerësuar se çdo rast i dyshuar për keqtrajtim duhet të hetohet në mënyrë të paanshme dhe efektive.
Dy zjarre përfshinë Fierin dhe Lezhën gjatë fundjavës, ndërsa më problematiku u regjistrua në Fier, ku flakët përfshinë sipërfaqe të mëdha pranë disa fshatrave, detyruan evakuimin e 12 familjeve dhe çuan në arrestimin e një 20-vjeçari të dyshuar për zjarrvënie. Në Lezhë, një tjetër vatër zjarri përfshiu një sipërfaqe të madhe pranë plazhit të Tales.
Gjykata e Tiranës caktoi masa më të lehta sigurie për protestuesit e arrestuar pas protestës së 2 korrikut para Kuvendit. Vetëm dy prej tyre u lanë në arrest shtëpie, ndërsa 19 protestues dolën nga qelia pas vendimit.
Byroja Kombëtare e Hetimit dhe autoritetet italiane arrestuan në Shkozet Adi Çobën, një nga personat e shpallur në kërkim ndërkombëtar në kuadër të operacionit “Ura”, që goditi një grup të dyshuar të trafikut ndërkombëtar të drogës. Sipas SPAK, ai u lokalizua në Shkozet, zonë që institucioni e identifikon si qendrën kryesore të grupit kriminal Troplini-Doçi.
Policia njoftoi arrestimin e 19 personave pas protestës së zhvilluar para Kuvendit, duke i akuzuar për dhunë ndaj punonjësve të policisë, dëmtim të një automjeti policor dhe sulm ndaj deputetëve, ndërsa Asociacioni i Gazetarëve të Shqipërisë (AGSH) kërkoi hetim për rastet e dhunës ndaj punonjësve të medias gjatë mbulimit të protestës.
