Një konflikt i dyshuar mes disa grupeve të të miturve u parandalua nga policia në zonën e Kombinatit, në Tiranë. Në përfundim të veprimeve u proceduan në gjendje të lirë 28 të mitur të moshave 13-17 vjeç, ndërsa u sekuestruan pesë armë të ftohta dhe mjete të mprehta.
Policia e Shtetit do të ketë një strukturë të specializuar për krimet mjedisore, ndërsa ministri i Punëve të Brendshme, Besfort Lamallari, e cilësoi të pallogaritshëm dëmin e shkaktuar nga zjarret e këtij viti në fondin pyjor. Agjencia Kombëtare e Mbrojtjes Civile raportoi të hënën 33 vatra zjarri në 24 orët e fundit, nga të cilat 8 mbeten aktive dhe 5 në monitorim.
14 shtetas nga Maqedonia e Veriut dhe Kosova u refuzuan në kufirin shqiptar në tre vitet e fundit. Raste të tjera në kufi dhe shpalljet “non grata” nxitën debat publik, duke u lidhur me protestat e “Revolucionit të Flamingove”, por asnjë prej 14 refuzimeve nuk kishte si shkak kërcënimin ndaj sigurisë kombëtare apo rendit publik.
Katër punonjës policie u pezulluan nga detyra pasi verifikimet paraprake treguan se Komisariati i Himarës nuk kishte marrë masa për një objekt pa leje që ndërtohej prej dhjetorit 2025 në Qeparo. Për të njëjtin rast është arrestuar ndërtuesi dhe janë shpallur në kërkim tre punonjës të Inspektoratit të Mbrojtjes së Territorit në Himarë.
Situata nga zjarret mbetet problematike në disa zona të vendit, ndërsa autoritetet vijojnë operacionet nga toka dhe ajri për vënien e flakëve nën kontroll. Në Finiq dhe Delvinë zjarri rrezikoi zonat e banuara, ndërsa vatra të tjera janë regjistruar edhe në Mallakastër.
Gazetari Elton Qyno, u sulmua fizikisht, ndërsa Policia shpalli në kërkim Rosela Nallbatin alias Çapja dhe babanë e saj, Romir Nallbati. Pas ngjarjes, organizatat e medias dënuan sulmin ndaj gazetarit dhe kërkuan zbardhjen e plotë të rrethanave, si edhe garantimin e sigurisë së tij.
Mbi 1 vit pasi u shpall në kërkim nga SPAK-u në kuadër të operacionit “Ura”, Denis Tafili dyshohet se u përfshi në një konflikt të armatosur në Shkallnur të Durrësit dhe arriti të largohej megjithëse aty dyshohet se ishte edhe një punonjës policie. Ngjarja, ku po hetohet efektivi rikthen në vëmendje vështirësitë në arrestimin e anëtarëve të kërkuar të grupit kriminal Troplini-Doçi.
Protesta e zhvilluar të enjten përpara Kuvendit u shoqërua me përplasje mes protestuesve dhe Policisë së Shtetit, përdorim të mjeteve për shpërndarjen e turmës dhe shoqërimin e dhjetëra personave. Mes tyre ishin aktivistë të lëvizjes “Revolucioni i Flamingove” dhe gazetarja e “Citizens.al”, Vjolanda Peca, çka solli reagime nga Organizatat e Shoqërisë Civile për mosrespektimin e lirisë së tubimit dhe të medias.
Një sasi lënde plasëse shpërtheu në portën hyrëse të banesës së Altin Ballës në fshatin Rreth të Shijakut, duke shkaktuar dëme materiale. Banesa e tij gjendet pranë asaj të vëllait, Julian (Fadil) Balla, i shpallur në kërkim policor prej një viti, në kuadër të hetimeve të SPAK-ut ndaj organizatës kriminale “Çopja”.
Qytetarë të mbledhur në protestë para Kuvendit të Shqipërisë qëlluan me vezë automjetet e deputetëve dhe ministrave gjatë mbërritjes së tyre në seancën plenare. Protesta u zhvillua nën masa të forta sigurie dhe u shoqërua me thirrje kundër qeverisë dhe përfaqësuesve politikë.
