Protesta e paralajmëruar përpara Kuvendit u përshkallëzua të enjten në përplasje mes protestuesve dhe Policisë së Shtetit, e cila përdori gaz lotsjellës dhe ujë me presion për shpërndarjen e turmës. Protesta u shoqërua me persona të shoqëruar nga policia, protestues dhe efektivë policie të lënduar, reagime politike dhe shqetësime të ngritura nga organizatat e medias për sigurinë e gazetarëve.
SPAK i paraqiti Komisionit të Posaçëm Parlamentar për Realizimin e Reformës Zgjedhore një paketë propozimesh për forcimin e luftës kundër krimit zgjedhor. Sipas drejtuesit të SPAK, Klodjan Braho, hetimet duhet të fokusohen te burimi i financimit dhe identifikimi i përfituesve realë të skemave të korrupsionit zgjedhor.
Organizatat e shoqërisë civile kanë shprehur shqetësim për mënyrën se si po zhvillohen procedimet penale të lidhura me protestat në vend. Ato kërkojnë transparencë institucionale, respektim të garancive procedurale dhe mbrojtje të të drejtave themelore të qytetarëve.
Një operacion i Policisë së Shtetit për arrestimin e një personi në kërkim në zonën e Lozhanit në Maliq, u mbyll tragjikisht me vrasjen e efektivit të Forcës së Posaçme “Shqiponja”, Enea Mekolli dhe plagosjen e kolegut të tij, Edison Adri. Personi i kërkuar, Violand Braçellari, u plagos gjatë shkëmbimit të zjarrit dhe u arrestua.
Një sasi e konsiderueshme lëndësh shpërthyese dhe municionesh është zbuluar në Tiranë. Rasti nxjerr në pah rrezikun nga qarkullimi i armëve dhe municioneve të paligjshme në vend.
Policia arrestoi një 44-vjeçar që u kap duke ndërtuar një objekt të paligjshëm tek “Ura e Vashës” në Mat, një Monument Kulture i Kategorisë së Parë që prej vitit 1983. E frekuentuar nga turistë vendas dhe të huaj, zona përreth saj prej vitesh po përballet me ndërtime shërbimi që cenojnë peizazhin dhe vlerat historike.
Gjatë verifikimeve për ngjarjen e Rinasit, policia zbuloi një arsenal armësh dhe lëndësh shpërthyese në një fshat të Fushë-Krujës. Pronari i banesës është shpallur në kërkim dhe procedurat po vijojnë.
Policia goditi grupin që trafikonte vepra arti nga Europa në Shqipëri, në operacionin “Muzeu i errët”. Në Kamëz u sekuestruan qindra objekte me vlera historike dhe kulturore, ndërsa dy persona u arrestuan dhe një tjetër është në kërkim.
Policia e Shtetit identifikoi mbajtësin e paligjshëm të një luani në Fier, që u shfaq në mediat sociale, por dështoi ta zbulonte rastin më herët, duke u përballur me pretendimet se luani kishte ngordhur dhe e procedoi pronarin në gjendje të lirë.
Operacionet policore për ndalimin e trafikantëve të veprave të artit po rezultojnë flluska me pasoja për tregtarët dhe anëtarët e komunitetit rom. Dogana Shqiptare pretendon se ka ekspertizë, por nuk ka një databazë për veprat e artit të grabitura, ndërsa në vend theksohet mungesa e ekspertëve të profilizuar në vlerësimin e tyre.
