Durrës - Amfora

Dhuna fizike, gjuha e re e shoqërisë shqiptare

Dhuna fizike po shndërrohet në “gjuhë të re” të shoqërisë shqiptare, ku gjatë vitit 2025 janë raportuar mbi 80 raste plagosjesh, nga të rinjtë deri tek pensionistët, çka tregon se asnjë grupmoshë nuk mbetet jashtë spirales së agresivitetit. Sipas ekspertëve, normalizimi i dhunës, presioni socio-ekonomik dhe rënia e kohezionit social po i kthejnë konfliktet e përditshme në shpërthime të rrezikshme, që kërkojnë urgjentisht zgjidhje komunitare dhe institucionale.

Nga Platoni te Facebook-u: Si u shpik Atlantida e Durrësit

Në fund të viteve ’80 u shpik teoria se Atlantida legjendare ndodhej në Gjirin e Durrësit, një ide e bazuar vetëm në disa ngjashmëri sipërfaqësore. Pas viteve 2000 kjo u riciklua në rrjetet sociale si “fakt shkencor”, duke konfuzuar publikun. Në realitet përshkrimet e Platonit rrjedhimisht e përjashtojnë këtë mundësi dhe Atlantida mund të jetë një metaforë filozofike dhe jo një vend fizik në bregdetin shqiptar.

Art pa investime, Galeria “Nikolet Vasia” prej vitesh pa fond të ri veprash

Galeria e Arteve Pamore “Nikolet Vasia” në Durrës prej pesë vitesh nuk është pasuruar me asnjë vepër të re nga fondet publike. Gjatë periudhës 2020–2025 galeria ka shpenzuar mbi 22 milionë lekë për paga dhe rreth 3.7 milionë lekë për sigurime shoqërore, ndërsa 2.1 milionë lekë të akorduara nga Bashkia janë përdorur për korniza, restaurime e mirëmbajtje.

Fatura e mungesës së ujit: Dëme, protesta dhe zhgënjim turistik

Kriza e furnizimit me ujë të pijshëm këtë verë ka goditur jo vetëm banorët e zonave rurale dhe urbane, por edhe sektorin turistik nga Durrësi në Vlorë. Protesta, dëme ekonomike dhe ankesa masive shënuan sezonin e nxehtë, ndërsa ujësjellësit justifikohen me defekte dhe rrjetet e amortizuara.

Lagjja Varosh dhe banesa e Familjes Nushi në Durrës

Banesa e Familjes Nushi përfaqëson një etapë të rëndësishme të tranzicionit urban e shoqëror të Durrësit në fund të shekullit XIX. Të ndërtuara përtej mureve rrethuese, ato dëshmojnë lindjen e borgjezisë qytetare, ndikimet perëndimore dhe shkëputjen graduale nga mënyra gjysmë rurale e jetesës. Ky monument banimi mbetet një shembull tipik i trashëgimisë kulturore dhe identitetit qytetar të Durrësit.

Përmbytje tragjike në Durrës, një i vdekur nga kontakti me rrymën elektrike në rrugë

Reshjet e dendura të shiut rikthyen përmbytjet në qytet, duke shkaktuar kaos në rrugë, trafik të rënduar dhe aksidente. Tragjikisht, një 43-vjeçar humbi jetën pasi ra në kontakt me një shtyllë elektrike të dëmtuar në lagjen nr.6.

Fotografia abstrakte prezantohet në Durrës nëpërmjet artit të Fabrizio Loiacono

Fotografi italian Fabrizio Loiacono hapi në Durrës ekspozitën e tij të parë në Shqipëri, titulluar “Glance off it”, Rrëshqitje, me 16 fotografi abstrakte. Ekspozita do të qëndrojë e hapur nga 5 deri më 28 shtator.

Ekspozita “Verë”, Shpresa Milaqi emocionon publikun me tablotë plot dritë e ngjyra

Piktorja Shpresa Milaqi-Bajko çeli në Galerinë “Nikolet Vasia” në Durrës ekspozitën e saj të 12-të personale titulluar “Verë”, me 99 tablo plot dritë e ngjyra, ku spikasin peizazhet e qytetit dhe energjia e stinës së verës.

Biblioteka e Durrësit, më shumë fonde për qira objekti sesa për libra

Biblioteka Publike e Durrësit vijon të funksionojë në dy mjedise të ndara, ndërsa bashkia e qytetit paguan më shumë për qira objekti sesa për pasurimin me libra, ndërkohë që ndërtesa qëndrore ka nevojë për ndërhyrje urgjente.

Raporti për zgjedhjet në Durrës: Votimi ishte i ligjshëm, por jo i barabartë

Raporti përfundimtar i Shoqërisë Civile në Durrës mbi zgjedhjet parlamentare të 11 majit vlerësoi përgatitjen e KZAZ-ve si të përputhshme me ligjin, por jo të përkryera në praktikë. U evidentuan mangësi serioze në përfshirjen e personave me aftësi të kufizuara dhe vonesa në ngritjen e komisioneve.

Tag: Durrës