Policia arrestoi 16 persona dhe procedoi penalisht 49 të tjerë pas protestës së studentëve në Tiranë. Masat lidhen me dyshimet për dhunë ndaj efektivëve dhe dëmtime të institucioneve publike e bizneseve gjatë tubimit, i cili u shoqërua me të plagosur e të lënduar mes protestuesve.
Protesta e studentëve u shoqërua me përplasje me policinë, të lënduar dhe denoncime për dhunë ndaj gazetarëve. Gjatë mbrëmjes, policia pezulloi pesë punonjës pas publikimit të pamjeve të një 19-vjeçari të dëmtuar, ndërsa shtatë persona vijonin trajtimin në Spitalin e Traumës.
Disa institucione shtetërore morën më 9 tetor mesazhe elektronike që pretendonin vendosjen e lëndëve shpërthyese në godinat e tyre, përfshirë Gjykatën e Beratit. Policia njoftoi se kontrollet e deritanishme nuk kishin evidentuar lëndë shpërthyese, ndërsa vijojnë hetimet për identifikimin e dërguesit.
Qytetarë që kundërshtojnë reformën territoriale u përplasën me policinë para Kuvendit, ndërsa brenda zhvillohej seanca parlamentare. Efektivët përdorën spraj lotsjellës dhe disa protestues shfaqën shqetësime, ndërsa një qytetar u transportua me ambulancë drejt spitalit.
Prerjet pa leje të pemëve në zona të Bashkisë Poliçan kanë nxitur denoncime nga banorët, të cilët kërkojnë ndërhyrjen e institucioneve për t’i ndaluar. Bashkia ka dokumentuar tri raste gjatë vitit 2026 dhe ka vendosur gjoba për personat përgjegjës.
Arkitektja Entela Koja-Spahivogli, përfaqësuese e banorëve që kundërshtojnë projektin TID Durrës, u shoqërua nga policia gjatë protestës së zhvilluar në kohën kur presidentja e Komisionit Evropian, Ursula von der Leyen, ndodhej në Tiranë. Koja qëndroi rreth pesë orë në Komisariatin nr. 1 dhe e konsideroi ndërhyrjen si përpjekje për intimidim.
Në Durrës u regjistruan 98 aksidente rrugore gjatë tetë muajve të parë të vitit, nga 62 në të njëjtën periudhë të 2025-s. Vetëm në gusht rastet u trefishuan, duke e renditur qarkun të dytin në vend pas Tiranës për numrin e aksidenteve të muajit.
Gjykata ndryshoi masën e sigurisë për Elisabeta Matajn nga “arrest në burg” në “arrest në shtëpi”. Ish-drejtoresha e filialit të Postës Shqiptare në Durrës është nën hetim për përvetësimin e dyshuar të 69 milionë lekëve së bashku me dy ish-punonjëse të institucionit.
Protesta para Kuvendit u shoqërua me përplasje mes protestuesve dhe policisë, ndërsa disa persona u shoqëruan nga efektivët. Brenda sallës, opozita kërkoi debat për zhvillimet në SHISH, ndërsa ish-drejtoresha Vlora Hyseni u paraqit në Gjykatën e Posaçme në lidhje me masën e sigurisë ndaj saj.
Organizatat e gazetarëve kërkuan hetim dhe sqarim publik për ndërhyrjen e policisë ndaj gazetares Albana Aliaj gjatë raportimit të aksionit të SPAK-ut në Shkozet. Ajo denoncoi se efektivë të maskuar i morën telefonin, e kërcënuan me pranga dhe i fshinë pamjet e filmuara.
