Drejtoresha e Shërbimit Informativ Shtetëror, Vlora Hyseni, u vendos në arrest shtëpie dhe u pezullua nga detyra, ndërsa SPAK kontrolloi banesën e ish-drejtorit të Policisë së Shtetit, Ilir Proda, në zhvillimet e reja të hetimit për tenderët e AKSHI-t.
SPAK dhe strukturat e Policisë së Shtetit ushtruan të martën kontrolle në Shkozet të Durrësit, në bazën e grupit kriminal Troplini, në kuadër të hetimeve që lidhen me të ashtuquajturën dosje të AKSHI-t dhe skemën e dyshuar të manipulimit të tenderëve publikë.
Protesta e paralajmëruar u zhvillua të enjten paradite përpara Kuvendit të Shqipërisë, në të njëjtën kohë me seancën plenare. Përplasjet mes një pjese të protestuesve dhe forcave të rendit u shoqëruan me hedhje vezësh ndaj efektivëve, tentativa për të shtyrë kordonin policor dhe shoqërimin e disa protestuesve.
Një sasi lënde plasëse dyshohet se shpërtheu gjatë natës në oborrin e një banese të pabanuar në Shijak, duke dëmtuar portën e saj. Ngjarja vjen 12 ditë pas dy shpërthimeve me lëndë plasëse në Durrës, ndërsa në rreth një vit e gjysmë në zonë janë regjistruar pesë raste të lidhura me eksploziv.
Dy ngarkesa me rreth 188 kilogramë kanabis nga Kanadaja u zbuluan në Portin e Durrësit brenda 18 ditësh. Droga ishte fshehur në hapësira të modifikuara të automjeteve, ndërsa policia nuk ka bërë të ditur nëse rastet lidhen me të njëjtin rrjet.
Zjarret që përfshinë Shqipërinë gjatë verës u shoqëruan nga një valë postimesh që i lidhnin pa prova me turistët dhe shtetasit izraelitë. Pretendimet u përsëritën nga Kruja në Himarë, ndërsa të dhënat zyrtare nuk e mbështesin këtë lidhje dhe ekspertët e turizmit paralajmërojnë se narrativa të tilla mund të cenojnë perceptimin e Shqipërisë si destinacion i sigurt.
Dy persona u arrestuan në Fier dhe Lushnjë nën dyshimin për zjarrvënie, ndërsa njëri prej rasteve preku një sipërfaqe të pyllëzuar në zonën e mbrojtur Divjakë-Karavasta. Agjencia Kombëtare e Mbrojtjes Civile raportoi 8 vatra zjarri aktive në vend.
Disa institucione në qytete të ndryshme të vendit morën mëngjesin e së enjtes e-mail kërcënues, ku pretendohej se në ambientet e tyre ishte vendosur bombë. Kontrollet e policisë nuk konstatuan lëndë eksplozive, ndërsa dyshohet se kërcënimi ka mbërritur në Gjykatën dhe Bashkinë e Durrësit.
Ergys Agasi, i shpallur në kërkim nga Prokuroria e Posaçme në kuadër të hetimeve për tenderët e Agjencisë Kombëtare të Shoqërisë së Informacionit (AKSHI), u arrestua mbrëmjen e së mërkurës në Durrës. Bashkë me të u arrestua edhe ish-punonjësi i Policisë së Shtetit, Uljan Shpataraku, i cili gjithashtu rezultonte në kërkim.
Kisha e Shën Thanasit në fshatin Sinicë është vandalizuar nga persona ende të paidentifikuar, të cilët kanë dëmtuar ikonat dhe objekte të tjera brenda saj. E shkatërruar gjatë regjimit komunist dhe e rindërtuar nga banorët kisha konsiderohet e shenjtë nga komuniteti dhe bashkon rreth saj të krishterë e myslimanë.
