Sipas projeksioneve të OKB-së, në vitin 2100 në Shqipëri do të kenë mbetur vetëm 800.000 banorë. Nuk është e vështirë të imagjinosh nga këtu se në vitin 2200 për Shqipërinë dhe shqiptarët do të shkruajnë vetëm librat e historisë. Rruga duket e shenjuar dhe e pashpresë, por sociologët e mëdhenj si Toynbee dhe Sorokin na japin rrugën e daljes.
Shembja e Librarisë Rozafa në qendër të Shkodrës ka nxitur debat dhe reagime nga qytetarë, aktivistë e figura publike. Ndërsa Bashkia e konsideron ndërhyrjen pjesë të zhvillimit të qytetit, kundërshtarët e shohin si humbje të një pjese të memories urbane të Shkodrës.
Në raportin vjetor për Shqipërinë, të miratuar më 17 qershor në Strasburg, Parlamenti Evropian përfshiu edhe një amendament që ngre shqetësime për zhvillimet në zonën e e Vjosë-Nartës. Organizatat mjedisore e cilësuan votimin si një mbështetje për mbrojtjen e zonave të mbrojtura dhe respektimin e standardeve evropiane të natyrës.
SPAK vendosi masa sigurie ndaj 10 personave dhe sekuestro preventive mbi 491 pasuri në kuadër të një hetimi për trafik ndërkombëtar kokaine dhe pastrim parash. Grupi i hetuar dyshohet se ka trafikuar të paktën 50 ton kokainë nga Amerika Latine drejt vendeve të Europës, ndërsa fitimet janë investuar në kompani, ndërtime, hotele dhe pasuri të paluajtshme në Shqipëri.
Organizatat mjedisore i janë përgjigjur deklaratës së Kryeministrit Edi Rama për investimin në Zvërnec, duke ngritur pikëpyetje mbi procedurat e ndjekura dhe bazën mjedisore të projektit. Në një reagim të përbashkët, ato argumentojnë se leja e zhvillimit është dhënë përpara përfundimit të vlerësimeve që duhet të përcaktojnë ndikimin e tij në zonën e mbrojtur.
Djegia e automjetit të gazetarit Sami Curri mbetet e pazbardhur dy muaj pas ngjarjes. Teksa Prokuroria e Dibrës po heton pistën e lidhur me profesionin e tij Curri tha se pas deklarimit fillestar nuk është kontaktuar më nga organet hetimore.
Organizatat mjedisore përshkallëzojnë kundërshtimin ndaj ndryshimeve në Ligjin për Zonat e Mbrojtura. Mjedisorët nuk do të marrin pjesë në asnjë proces konsultimi institucional derisa të shfuqizohen ndryshimet që, sipas tyre, rrezikojnë territorin më të mbrojtur natyror të vendit.
Një hetim i SPAK për trafik ndërkombëtar droge, pastrim parash dhe grup të strukturuar kriminal ka çuar në sekuestro mbi pasuri me vlerë mbi 128.4 milionë euro, që lidhen me transaksionet e tokave të projektit turistik në Zvërnec, si dhe në caktimin e masave të sigurisë ndaj 20 personave.
Një koalicion organizatash të shoqërisë civile i kërkoi Kuvendit të Shqipërisë rishikimin e ligjit për zonat e mbrojtura, duke argumentuar se ndryshimet ligjore hapin rrugë për zhvillime në zona me vlera të larta natyrore. Kërkesa vjen në një kohë kur shqetësimet për ndikimin e zhvillimeve të reja në ekosistemet e mbrojtura mbeten të larta.
Investimi në vaskat e Banjave të Bënjës në Përmet po përballen me ulje të nivelit të ujit, ndërsa “Vaska e Lëkurës”, e zgjeruar në kuadër të projektit turistik në zonë, ka mbetur pa ujë. Situata ka ngritur pikëpyetje nëse ndërhyrja i ka marrë në konsideratë prurjet sezonale të burimeve termale.
