Pelegrinazhi pesëditor në Malin e Tomorrit mblodhi mijëra besimtarë, por pas përfundimit të tij mbetje të shumta mbetën të shpërndara në territorin e Parkut Kombëtar. Situata rikthen në vëmendje masat për menaxhimin e mbetjeve gjatë një aktiviteti masiv në një zonë të mbrojtur dhe përgjegjësinë qytetare.
Anija “HANUMAN”, e listuar nga Inteligjenca Ushtarake e Ukrainës si pjesë e “flotës hije” ruse, nuk u lejua të hynte në Portin e Durrësit. Anija vinte bosh nga Turqia dhe kërkonte të ndalonte për furnizime dhe inspektim teknik.
Një sasi lënde plasëse, e lidhur me një aparat celular, u gjet në lagjen nr. 3 të Durrësit dhe u çaktivizua nga specialistët xhenierë të RENEA-s. Ky është rasti i tretë i lidhur me eksploziv në qytet në rreth një vit e gjysmë, ndërsa ngjarja vjen vetëm 24 orë pas kërcënimeve për bomba ndaj disa institucioneve në vend.
Kujtim Buza u nda nga jeta pas një veprimtarie shumëvjeçare në artet figurative shqiptare, duke lënë gjurmë veçanërisht në gjininë e peizazhit, ku natyrën, dritën dhe ngjyrën i shndërroi në ndjenjë e poezi në telajo. I biri i piktorit Abdurrahim Buza, u rrit pranë artit, por ndërtoi stilin e vet krijuese, duke i dhënë peizazhit shqiptar një identitet që kolegët e lidhin me ndjeshmërinë, atmosferën dhe shpirtin e krijimtarisë së tij.
Disa institucione në qytete të ndryshme të vendit morën mëngjesin e së enjtes e-mail kërcënues, ku pretendohej se në ambientet e tyre ishte vendosur bombë. Kontrollet e policisë nuk konstatuan lëndë eksplozive, ndërsa dyshohet se kërcënimi ka mbërritur në Gjykatën dhe Bashkinë e Durrësit.
Pesë vatra zjarri mbeten aktive në vend nga 28 të raportuara gjatë 24 orëve të fundit, ndërsa katër familje janë evakuuar përkohësisht në Mallakastër për arsye sigurie. Situata paraqitet problematike edhe në zonën e Dajtit, ku vijojnë ndërhyrjet nga toka dhe ajri për izolimin dhe shuarjen e flakëve.
Kisha e Shën Thanasit në fshatin Sinicë është vandalizuar nga persona ende të paidentifikuar, të cilët kanë dëmtuar ikonat dhe objekte të tjera brenda saj. E shkatërruar gjatë regjimit komunist dhe e rindërtuar nga banorët kisha konsiderohet e shenjtë nga komuniteti dhe bashkon rreth saj të krishterë e myslimanë.
Bashkia Klos ka nisur dëgjesat publike për Reformën Administrativo-Territoriale, ndërsa propozimi për bashkimin e saj me Bashkinë Mat është përballur me kundërshtimin e banorëve të Xibrit. Largimi i shërbimeve dhe kostot shtesë për qytetarët ishin mes shqetësimeve të ngritura gjatë konsultimit.
Zjarre të reja janë shfaqur në disa zona të vendit, ndërsa vatra të tjera janë riaktivizuar pas ndërhyrjeve të ditëve të fundit. Situata vijon të kërkojë ndërhyrje në Pukë, Dibër, Mirditë dhe në Malin e Dajtit, ndërsa strukturat e emergjencave po mbajnë nën monitorim edhe zona ku zjarret janë izoluar.
Ndërsa në Durrës kanë nisur gjobat për depozitimin e parregullt të mbetjeve, në disa zona të qytetit kontejnerët vijojnë të jenë të tejmbushur dhe mbetjet përfundojnë në rrugë. Për menaxhimin e mbetjeve bashkia ka në buxhet mbi 950 milionë lekë për vitin 2026, ndërsa problematika nxiti së fundmi edhe protestën e banorëve të Spitallës për grumbullimin e tyre pranë banesave.
