Bashkia e Durrësit prishi në muajin prill kanalin e ndërtuar nga vetë banorët e lagjes nr. 13, me premtimin për ta përmirësuar. Por, prej muajsh, kanali mbetet i hapur pranë shtëpive, ndërsa banorët kërkojnë sistemimin e tij përpara nisjes së shirave.
Shkolla jopublike “Udha e Shkronjave” kërkoi heqjen e nderimit shtetëror dhe të pushimit zyrtar për Nënë Terezën, pasi nderimi “Naim Frashëri” nuk u përfshi në sistemin e ri të dekoratave dhe kjo u paraqit si heqje e cilësimit “Poet Kombëtar”. Pretendimi e riktheu figurën e Shën Terezës në qendër të një diskursi dezinformues, që e vendoste përballë figurës së Naim Frashërit.
Dhoma Vendore e Avokatisë Durrës zhvilloi të premten një bojkot dyorësh të seancave gjyqësore, në shenjë solidariteti me avokatin Elton Shllaku, i cili u plagos me armë zjarri dy ditë më parë në Durrës. Kreu i Dhomës, Lorval Petani, kërkoi që siguria e avokatëve gjatë ushtrimit të profesionit të trajtohet si prioritet nga institucionet ligjzbatuese.
Protesta e paralajmëruar u zhvillua të enjten paradite përpara Kuvendit të Shqipërisë, në të njëjtën kohë me seancën plenare. Përplasjet mes një pjese të protestuesve dhe forcave të rendit u shoqëruan me hedhje vezësh ndaj efektivëve, tentativa për të shtyrë kordonin policor dhe shoqërimin e disa protestuesve.
Këshilli Bashkiak i Durrësit miratoi të mërkurën ndryshimet për parkimet me pagesë, me kartë rezidenti dhe vende të rezervuara në rreth 100 sheshe brenda blloqeve të banimit. Këshilli miratoi edhe shtimin me 20 punonjës të Policisë Bashkiake për kontrollin e skemës, ndërsa këshilltarët demokratë votuan kundër.
Dhomat e Specializuara të Kosovës shpallën fajtorë për krime lufte katër ish-krerët e UÇK-së, ndërsa i shpallën të pafajshëm për akuzat për krime kundër njerëzimit. Vendimi solli protesta dhe reagime kundërshtuese në Prishtinë.
Itineraret e një avioni të regjistruar në Poloni, të paraqitura në hartat e trafikut ajror në internet, u përdorën në rrjetet sociale për të ngritur dyshime dhe akuza të pambështetura për zjarrvënie. Verifikimi i Amforës nuk gjeti prova që e lidhin avionin me zjarret, ndërsa sipas një drejtuesi të Aeroportit të Tiranës, ai po kryente fotografime ajrore.
Një sasi lënde plasëse dyshohet se shpërtheu gjatë natës në oborrin e një banese të pabanuar në Shijak, duke dëmtuar portën e saj. Ngjarja vjen 12 ditë pas dy shpërthimeve me lëndë plasëse në Durrës, ndërsa në rreth një vit e gjysmë në zonë janë regjistruar pesë raste të lidhura me eksploziv.
Varri monumental romak i zbuluar një vit më parë në Strikçan të Bulqizës është përzgjedhur mes pesë finalistëve për çmimin ndërkombëtar të zbulimit arkeologjik “Palmyra”. Gjetja shqiptare garon edhe për çmimin e publikut, ku votimi qëndron i hapur deri më 15 tetor.
Pagat e bllokuara prej fillimit të shtatorit morën një zgjidhje të përkohshme për GJKKO-në dhe Gjykatën e Durrësit, pasi Administrativja pranoi kërkesat për sigurimin e padisë. Fondet duhet të procesohen, ndërsa përplasja për mënyrën e llogaritjes së pagave vijon në gjykatë.
