Qytetarë protestuan në Shkodër kundër planit për hapjen e një konsullate të Serbisë në qytet, duke e cilësuar nismën provokuese dhe të papranueshme. Debati u rikthye pas deklaratës së ministrit të Jashtëm serb, Marko Đurić, se Serbia synon të hapë një konsullatë në Shkodër, në kuadër të diskutimeve për zgjerimin e pranisë konsullore mes dy vendeve.
SPAK ka dërguar për gjykim procedimin penal ndaj 10 të pandehurve, mes tyre edhe Ervis Martinaj, për disa vepra të rënda penale. Hetimet lidhen me disa ngjarje kriminale të ndodhura në Shkodër, ndërsa për persona të tjerë të dyshuar procedimi vijon në një çështje të veçantë.
Qendra e Shirokës, e rikualifikuar me një investim prej rreth 410 milionë lekësh paraqitet me kalldrëm të dëmtuar dhe pllaka të thyera. Sipas Bashkisë Shkodër dëmtimet janë shkaktuar nga kalimi i mjeteve të tonazhit të rëndë gjatë punimeve në aksin Shirokë-Zogaj, ndërsa riparimi do të kryhet vetëm pas përfundimit të tyre.
Për më shumë se dy shekuj, Xhamia e Plumbit ka qenë dëshmitare e historisë së Shkodrës, nga periudha e Bushatlinjve te rikthimi i besimit fetar në vitin 1990. Pas një restaurimi të thellë që e shpëtoi nga degradimi dhe përmbytjet, ajo qëndron si një simbol i trashëgimisë, kujtesës dhe rilindjes fetare në Shqipëri.
Shembja e Librarisë Rozafa në qendër të Shkodrës ka nxitur debat dhe reagime nga qytetarë, aktivistë e figura publike. Ndërsa Bashkia e konsideron ndërhyrjen pjesë të zhvillimit të qytetit, kundërshtarët e shohin si humbje të një pjese të memories urbane të Shkodrës.
Gazetari Ervin Dushi denoncoi në polici dhunën e ushtruar ndaj tij në Shkodër, duke deklaruar se sulmi lidhej me publikimet në rrjetet sociale për shitje të produkteve të skaduara në markete të qytetit. Ndërkohë, biznesmeni Prek Gjoni mohoi ta ketë dhunuar gazetarin dhe deklaroi se ishte shantazhuar përmes publikimeve në internet, ndërsa rasti u dënua edhe nga organizatat në mbrojtje të gazetarëve.
Në qendër të Shkodrës ka nisur ndërtimi i një kompleksi shumëkatësh që pritet të ndryshojë profilin urban të qytetit. Ndërsa punimet avancojnë, qytetarët ndahen mes idesë së zhvillimit modern dhe shqetësimit për humbjen e një hapësire që prej vitesh ishte pjesë e jetës urbane.
Gjatë operacionit policor “Ndërmollasi 2” në Shkodër u sekuestruan 11 armë zjarri, mijëra fishekë dhe materiale luftarake. Dy persona u arrestuan si të dyshuar për posedimin e tyre.
Reshjet e 6 janarit 2026 dëmtuan katër monumente kulture, ndërsa rreth dhjetë të tjerë rezultojnë në gjendje të amortizuar ose në risk. Disa prej tyre kanë marrë ndërhyrje emergjente, ndërsa për të tjerët projektet e restaurimit mbeten në planifikim.
Në bregdetin e Rrjollit, në Velipojë, familje që kanë tokë të trashëguar ndër breza po përballen me një investim strategjik që ka nisur punimet në zonë. Banorët kanë dalë në protesta për të kundërshtuar projektin, ndërsa çështja e pronësisë mbetet ende pa një përgjigje përfundimtare nga institucionet.
