Raporti përfundimtar i Shoqërisë Civile në Durrës mbi zgjedhjet parlamentare të 11 majit vlerësoi përgatitjen e KZAZ-ve si të përputhshme me ligjin, por jo të përkryera në praktikë. U evidentuan mangësi serioze në përfshirjen e personave me aftësi të kufizuara dhe vonesa në ngritjen e komisioneve.
Afati për përfundimin e ndërhyrjes në Muzeun Arkeologjik të Durrësit, i cili po i nënshtrohet procesit të rikonstruksionit pas dëmtimeve që pësoi nga tërmeti i 26 nëntorit 2019, është shkelur sërish rreth 3 vite pas nisjes së punimeve. Ndërtesa e objektit muzeal më të rëndësishëm arkeologjik në qytetin bregdetar nuk është hapur sipas parashikimit më 31 korrik, ndërsa ende nuk ka një datë për pritjen e publikut.
Durrësi, vendlindja e perandorit Anastas, guvernatorit Leo Ravduhu, Leonik Tomeos, Jan Kukuzelit, varri i perandorit Ivan Vladislav dhe fushëbeteja midis Çezarit dhe Pompeut, Aleks Komnenit, Robert Guskardit, Bohemundit, Mehmetit II dhe Skënderbeut, qyteti për të cilin nga lashtësia në mesjetë “buçiste fama”, nuk ka asnjë nevojë të huazojë figura nga qytete të tjera, për tu ndjerë i rëndësishëm.
Në Durrës gazetarët lokalë, aktivistët dhe përfaqësues të Shoqërisë Civile u bashkuan për të analizuar sfidat e dezinformimit dhe presionin me të cilin përballen aktorët vendorë. Gjatë një trajnimi u theksua rëndësia e verifikimit të informacionit dhe u ofruan mjete konkrete për të rritur besueshmërinë gjatë raportimit.
29 efektivë policie nga e gjithë Shqipëria u trajnuan në Tiranë për të ndihmuar të rinjtë në rrezik dhe jo për t’i ndëshkuar, duke parandaluar në fazat e hershme kriminalizimin e tyre. Me fokus tek modeli gjerman i mentorimit, trajnimi theksoi ndërhyrjen përmes ndërtimit të besimit dhe komunikimit.
Aktivistja e njohur Greta Thunberg vizitoi Tiranën të mërkurën për të marrë pjesë në një protestë kundër krizës humanitare në Rripin e Gazës. Nga Sheshi “Skënderbej” ajo denoncoi politikat izraelite si shkaktare të urisë ekstreme dhe bllokadës së ndihmave humanitare në Gaza, duke i quajtur këto veprime si pjesë të një gjenocidi të heshtur.
Shqipëria vijon të përjetojë humbje të thellë të kapitalit njerëzor si pasojë e emigrimit të profesionistëve të rinj dhe të arsimuar. “Largimi i trurit” ndikohet nga mungesa e perspektivës profesionale, liria e kufizuar akademike dhe dështimi i institucioneve për të zbatuar politikat ekzistuese. Ndërsa vendet e Ballkanit Perëndimor kanë përparuar në integrimin në programet kërkimore të BE-së, Shqipëria vijon të mbetet në fund të listës për pjesëmarrje dhe përfitime reale.
Zjarri që përfshiu Landfillin e Elbasanit në fillim të muajit korrik rezultoi me ndotje shumëfish mbi normat e lejuara të BE-së, ndërsa të martën është depozituar padia e parë kundër kompanisë së menaxhimit të mbetjeve dhe bashkisë për dëme shëndetësore nga ndotja e ajrit.
Në një rezolutë për Ballkanin Perëndimor, Parlamenti Evropian theksoi se mbrojtja e mjedisit dhe biodiversitetit në Shqipëri është thelbësore për integrimin në BE. Eurodeputetët kërkuan zbatimin e konventave ndërkombëtare dhe ndërprerjen e projekteve që sjellin pasoja të thella në mjedis.
Një aksion i nxitur nga kryeministri Edi Rama në kulmin e sezonit turistik për prishjen e një ndërtimi të paligjshëm në Theth, u zgjerua në disa pika, duke nxitur përplasjen me banorët e angazhuar në sektorin e turizmit, që prej vitesh kërkojnë njohjen e titujve të pronësisë dhe leje për strukturat akomoduese.
