Mbi lumin Shushicë, Ura e Bratajt, Monument Kulture i Kategorisë së Parë, ndërthur vlerat historike me jetën që zhvillohet pranë lumit gjatë verës. E rrethuar nga shkëmbinj, gjelbërim dhe ujërat e Shushicës, zona frekuentohet nga banorë dhe vizitorë që ndalojnë për të pushuar, për t’u freskuar dhe për të përjetuar nga afër peizazhin e luginës.
Nga kodrat e gjelbëruara deri te shkëmbinjtë buzë detit, resortet dhe vilat po ndryshojnë me shpejtësi pamjen e bregdetit të Sarandës. Peizazhi po copëzohet mes ndërtimeve të reja, ndërsa zhvillimi turistik prek natyrën, territorin dhe në raste të dokumentuara edhe trashëgiminë arkeologjike.
Mes kodrave me bimësi mesdhetare dhe ujërave të Jonit, Gjiri i Kakomesë shpalos një prej peizazheve më tërheqëse të bregdetit jugor shqiptar. Pas më shumë se dy dekadash me akses të kufizuar, Kakomeja është rihapur për qytetarët, duke rikthyer vëmendjen te një gji ku bukuria natyrore, trashëgimia dhe gjurmët e një historie të trazuar bashkëjetojnë në të njëjtin peizazh.
Aktivistët në Tiranë nuk kanë marrë një zgjidhje konkrete për kërkesën e tyre për shtimin e koshave në zonat ku zhvillohen protestat, ndërsa mbetjet vijojnë të grumbullohen rreth pikave ekzistuese. Ndryshimet në tarifën e pastrimit për familjet në kryeqytet dhe problematikat me menaxhimin e mbetjeve në qytete të tjera tregojnë sfidat e vazhdueshme të këtij shërbimi.
Projekt-ideja për rivitalizimin e Kalasë së Elbasanit përfshin analizën e 434 ndërtesave të lagjes “Kala”, si bazë për ndërhyrjet e propozuara në zonën historike. Ndërsa institucionet e paraqesin rivitalizimin si një ndërhyrje për ruajtjen e trashëgimisë dhe zhvillimin e zonës, banorët kundërshtojnë mënyrën e trajtimit të objekteve, ndikimin mbi pronat dhe ndryshimet që mund të sjellë në një lagje të banuar prej brezash.
Kontrolli i Lartë i Shtetit evidentoi problematika në politikat, financimet dhe investimet në fushën e kulturës dhe trashëgimisë kulturore, gjatë auditimit të (ish-)Ministrisë së Ekonomisë, Kulturës dhe Inovacionit. Gjetjet prekën nga Strategjia e Kulturës dhe financimi i projekteve artistike, te Bonusi i Rijetëzimit dhe ndërhyrjet në disa objekte të trashëgimisë kulturore.
Lajme që e paraqitën si “shkarkim” transferimin e myftiut të Vlorës, Ardit Hoxhllaku, e lidhën lëvizjen me qëndrimet e tij për hebrenjtë dhe Palestinën, si edhe me presione të pretenduara nga qeveria dhe kërkesa nga Ambasada e Izraelit. Ndërkohë, Komuniteti Mysliman i Shqipërisë e përfshiu Hoxhllakun në një proces më të gjerë lëvizjesh brenda institucionit. Myftiu, i njohur për qëndrimet kritike ndaj çështjeve politike, kombëtare dhe problematikave të komunitetit, u transferua në Peqin.
Restaurimi i Rrugës “Naim Frashëri”, pjesë e Qendrës Historike të Pogradecit ka zëvendësuar heterogjenitetin e portave, dritareve, materialeve dhe detajeve arkitektonike me një gjuhë të standardizuar. Nën një imazh më të rregullt dhe koherent, janë zbehur shtresëzimet historike, individualiteti i ndërtesave dhe gjurmët e kohës që formonin identitetin e rrugës.
Prej muajsh, 102 kontejnerët me mbetje të rrezikshme, të vendosur në afërsi të Shënavlashit në Durrës, qëndrojnë mes një zone të banuar dhe një territori ku është përqendruar një numër i madh biznesesh. Deputeti Igli Cara kërkoi marrjen e masave për trajtimin e tyre dhe përgjigje nga institucionet përgjegjëse për kushtet e ruajtjes dhe zgjidhjen përfundimtare të mbetjeve.
Senati i Shteteve të Bashkuara konfirmoi Eric P. Wendt si ambasadorin e ri të SHBA-së në Shqipëri. Emërimi i tij u miratua pas një votimi në seancë plenare, duke përmbyllur procesin e shqyrtimit të kandidaturës që kishte nisur disa muaj më parë.
