Nga reklamat e “ilaçeve mrekulli” te videot e krijuara me inteligjencë artificiale, dezinformimi në shëndetësi po merr forma gjithnjë e më të sofistikuara. Përdorimi i figurës dhe zërit të mjekëve për të promovuar produkte apo për të përhapur informacione të rreme po e bën gjithnjë e më të vështirë dallimin mes këshillës mjekësore dhe mashtrimit.
Rregullorja e re e Gjykatës së Posaçme, e cila hyn në fuqi më 1 shtator, vendos kufizime të reja për përdorimin e pajisjeve elektronike dhe praninë e mediave në ambientet e gjykatës. Organizatat në mbrojtje të gazetarëve kërkojnë rishikimin e saj, duke argumentuar se cenon lirinë e medias.
Dy organizata kanë kallëzuar penalisht ndërhyrjet në zonën e mbrojtur të Pishë Poro-Nartës, duke pretenduar se ato kanë dëmtuar habitatet natyrore dhe janë kryer në kundërshtim me legjislacionin mjedisor. Kallëzimi mbështetet në një raport teknik dhe kërkon hetimin jo vetëm të kompanisë zhvilluese, por edhe të rolit të institucioneve përgjegjëse.
Situata nga zjarret mbetet problematike në disa zona të vendit, ndërsa autoritetet vijojnë operacionet nga toka dhe ajri për vënien e flakëve nën kontroll. Në Finiq dhe Delvinë zjarri rrezikoi zonat e banuara, ndërsa vatra të tjera janë regjistruar edhe në Mallakastër.
Një performancë poetike, e bazuar në librin “Hartë memece për të mbyturit”, të shkrimtarit Arjan Leka, e ktheu bregdetin e Durrësit në një skenë kujtese për 35-vjetorin e eksodit shqiptar. Përmes poezisë, teatrit dhe instalacionit artistik, artistët sollën në vëmendje tragjeditë e atyre që humbën jetën në det, por edhe pyetjen që mbetet ende aktuale: Pse shqiptarët vazhdojnë të largohen edhe sot?
Gazetari Elton Qyno, u sulmua fizikisht, ndërsa Policia shpalli në kërkim Rosela Nallbatin alias Çapja dhe babanë e saj, Romir Nallbati. Pas ngjarjes, organizatat e medias dënuan sulmin ndaj gazetarit dhe kërkuan zbardhjen e plotë të rrethanave, si edhe garantimin e sigurisë së tij.
Një 38-vjeçar është arrestuar në Durrës, pasi dyshohet se zjarri që ndezi për djegien e barishteve doli jashtë kontrollit dhe përfshiu një magazinë private në zonën e Shkozetit. Dyshohet se në godinë ruheshin fishekzjarre, megjithëse kjo nuk është konfirmuar zyrtarisht, ndërsa prania e mundshme e materialeve piroteknike ngre pikëpyetje për shkak të kufizimeve ligjore që zbatohen në Shqipëri.
Partia Socialiste ka depozituar në Kuvend projektligjin për Reformën Administrativo-Territoriale, i cili propozon uljen e numrit të bashkive nga 61 në 46. Kundër projektit janë shprehur drejtues të bashkive që preken nga ndryshimet, ndërsa në Poliçan qytetarët protestuan kundër shkrirjes së bashkisë.
Organizatat ndërkombëtare të medias vlerësuan se gazetarët po përballen me pengesa, sulme dhe ndërhyrje gjatë raportimit të protestave në Shqipëri. Ato kërkuan mbrojtje më të madhe për median dhe hetimin e çdo rasti dhune apo frikësimi.
Në qendrat shëndetësore verore ka nisur zbatimi i sistemit të tarifimit për turistët e huaj jo rezidentë, ndërsa qytetarët shqiptarë vijojnë të marrin shërbim falas. Të ardhurat e mbledhura do të mbeten në dispozicion të vetë qendrave shëndetësore për të përmirësuar shërbimet dhe kushtet e punës.
