Treguesit për Nivelin e Lirisë së Medias, së bashku me Indeksin e Sigurisë së Gazetarëve për vitin 2024, tregojnë se gazetaria e pavarur në Shqipëri mbetet nën presione strukturore, politike dhe ekonomike. Hapat proceduralë mbeten formalë dhe pa zbatim real, duke rrezikuar sigurinë e gazetarëve dhe funksionimin e medias në interes publik.
Organizatat e shoqërisë civile vlerësojnë rishikimin e kuadrit penal për shpifjen, por paralajmërojnë se ndryshimet e miratuara nuk garantojnë mbrojtje të barabartë të lirisë së shprehjes. Ato i kërkojnë Kuvendit të rikthehet te dekriminalizimi i plotë për të gjithë individët.
Liria e shprehjes mbetet ndër sfidat kryesore të Shqipërisë në procesin e integrimit në Bashkimin Evropian. Në raportin e publikuar më 16 tetor 2025, Komisioni Evropian thekson se vendi duhet të kalojë nga reformat formale te zbatimi real, duke garantuar mbrojtje efektive për gazetarët dhe transparencë në sektorin e medias.
Sulmi verbal i kryebashkiakut Erion Veliaj ndaj gazetares Ola Xama, u dënua nga organizata ndërkombëtare të medias, por kjo i nuk ndaloi kërcënimet ndaj punonjësve të medias. Po fundjavën e shkuar gazetarja Marsi Korreshi dhe ekipi i Televizionit “Syri” u penguan dhe u kërcënuan që të mos raportonin një takim elektoral të kandidatit socialist për Bashkinë Rrogozhinë.
