Pas disa ditësh protestash dhe dëmtimesh të pronës në Tiranë, disa biznese kanë vendosur mesazhe mbështetjeje për të rinjtë në hyrjet e dyqaneve të tyre. Ndërsa kërkojnë të mos u dëmtohen ambientet ende nuk ka një bilanc përfundimtar të dëmeve.
Komisioni Evropian ka dënuar aktet e dhunës gjatë protestave në Tiranë dhe qytete të tjera të Shqipërisë, duke përmendur zjarrvëniet, sulmet ndaj institucioneve dhe dëmtimin e pronës. Në reagimin zyrtar, institucioni evropian thekson se përgjigjja e autoriteteve duhet të jetë e ligjshme dhe proporcionale, ndërsa e drejta për protestë paqësore duhet të mbrohet.
Një grup pedagogësh të universiteteve shqiptare ka bërë thirrje për ndalimin e dhunës ndaj studentëve gjatë protestave të ditëve të fundit në Shqipëri. Përmes një deklarate publike, pedagogët u kërkojnë punonjësve të policisë të refuzojnë urdhrat e paligjshëm, ndërsa protestuesve të shmangin dëmtimin e pronës publike dhe private.
Organizata të shoqërisë civile në Shqipëri kanë bërë thirrje për ndalimin e dhunës gjatë protestave, mbrojtjen e jetës dhe respektimin e të drejtës për tubime paqësore. Deklarata e përbashkët u kërkon protestuesve vetëpërmbajtje dhe autoriteteve të shmangin përdorimin e pajustifikuar të forcës.
Publikime në media dhe rrjete sociale raportuan se protestuesit i kishin vënë flakën Bashkisë së Shkodrës gjatë protestës së 16 tetorit. Megjithatë, informacionet e Policisë së Shtetit nuk konfirmojnë zjarr në godinën e Bashkisë, ndërsa raportimi nga terreni tregon se gjatë protestës ishte hedhur një mjet piroteknik, por zjarri nuk kishte përfshirë ndërtesën.
Policia e Shtetit raportoi 152 persona të arrestuar dhe 324 të proceduar penalisht gjatë protestave të zhvilluara në disa qytete të Shqipërisë. Sipas bilancit nga përplasjet janë dëmtuar 120 punonjës policie, ndërsa nuk bëhet i ditur numri i protestues të plagosur.
Policia e Shtetit ka identifikuar grupe komunikimi ku janë shpërndarë thirrje për akte terroriste dhe kërcënime ndaj punonjësve të policisë. Për rastin ka nisur një procedim penal, ndërsa autoritetet po bashkëpunojnë me agjenci ndërkombëtare për identifikimin e personave përgjegjës.
Të rinjtë në Durrës protestuan për të dytën ditë radhazi, duke kërkuar dorëheqjen e kryeministrit Edi Rama dhe lirimin e personave të shoqëruar nga policia. Sipas të dhënave 35 persona u shoqëruan të enjten dhe 25 të tjerë të premten, ndërsa pranë shkollave dhe kampusit universitar u regjistruan edhe shoqërime me forcë.
Kryeministri Edi Rama reagoi pas protestës së tretë studentore në Tiranë, duke akuzuar opozitën dhe duke pretenduar se aktet e dhunës mbështeten edhe nga interesa të huaja që kundërshtojnë integrimin e Shqipërisë në Bashkimin Evropian.
Itineraret e një avioni të regjistruar në Poloni, të paraqitura në hartat e trafikut ajror në internet, u përdorën në rrjetet sociale për të ngritur dyshime dhe akuza të pambështetura për zjarrvënie. Verifikimi i Amforës nuk gjeti prova që e lidhin avionin me zjarret, ndërsa sipas një drejtuesi të Aeroportit të Tiranës, ai po kryente fotografime ajrore.
