Policia e Fierit arrestoi dy persona dhe sekuestroi 107 vepra arti, të dyshuara si të trafikuara nga Greqia me qëllim shitjen e tyre në Shqipëri. Një prej të ndaluarve i përkiste komunitetit rom, përfaqësues të së cilit kundërshtuan arrestimin dhe deklaruan se vepra të tilla i shisnin për pak lek, pasi i deklaronin në doganë.
Pranë kufirit të Shqipërisë me Malin e Zi, në Hanin e Hotit, ngrihet një kështjellë nga e cila ka fushëpamje të gjerë. Ajo mendohet se daton nga shekulli VI i Erës Sonë dhe është ndërtuar në kodrën mbi skajin më jugor të Liqenit të Shkodrës.
Problematikat që lidhen me pronësinë e monumenteve të kulturës janë evidentuar më herët nga një raport i KLSH-së, duke ekspozuar mungesën e regjistrimit në Kadastër të të gjitha pasurive kulturore. Ministria e Kulturës e shkeli me të paktën 8 muaj nisjen e punës sipas afatit që i la KLSH-ja.
Pas rrahjes së kryeredaktorit të gazetës opozitare “Rilindja Demokratike”, Bledi Kasmi, nuk ju mor dëshmia për ngjarjen dhe megjithëse u trajtua në spital, ai tregoi se “ju fsheh” kartela mjekësore. Pavarësisht se Kasmi kërkoi ta ndiqte rastin, ai u pengua nga institucionet.
Shkelja e Kodit Zgjedhor është bërë shkak për vendosjen e një gjobe nga Komisioni i Ankimimeve dhe Sanksioneve për ministren e kulturës, Elva Margariti, së bashku me kryetarin e Bashkisë së Tiranës, Erjon Veliaj dhe drejtoreshën e Teatrit të Operas dhe Baletit (TOB). Shkelja e Kodit Zgjedhor lidhet me një takim që është realizuar në TOB para zgjedhjeve vendore të 14 majit.
Plazhet publike vijojnë të jenë larg standardeve minimale për frekuentuesit e tyre që përballen me hapësira të pamirëmbajtura dhe të pasigurta. Nga një pyetësor i Medias Amfora plazhet private preferohen për shërbimet që ofrojnë, por megjithatë siguria e jetës në to vijon të jetë e ulët.
Manastiri i Shën Mërisë në Ardenicë rrezikohet prej kohësh si pasojë e erozionit dhe rrëshqitjes së dherave. Dëmtimet në strukturën e jashtme dhe të brendshme janë adresuar edhe në një projekt për restaurimin e tij, por ai nuk po zbatohet që prej vitit 2021.
“Guri i Përmetit”, një monument Kulture i Kategorisë së Parë dhe njëkohësisht Monument Natyre, “mban mbi supe” struktura ndërtimore që ruajnë të dhëna arkeologjike. Megjithatë kërkimet kanë qenë të pakta dhe ende nuk është përcaktuar përdorimi i tyre të paktën që nga mesjeta.
Muzeu Arkeologjik i Durrësit është një nga më të rëndësishmit në vend për objektet që datojnë nga prehistoria deri në mesjetë dhe që po rikonstruktohet. Por teksa po mbushet gati një vit nga nisja e punimeve, ato kanë ecur me ritme të ulta. UNOPS, organizata që po zhvillon projektin nuk ju përgjigj një kërkese për koment.
Prej 27 vitesh një tub për furnizimin me ujë të pijshëm përshkon përmes Forumin Rrethor në Durrës, një monument i shekujve V-VI të Erës Sonë. Tubi plastik ka rrjedhje të shumta përgjatë tij, të cilat po degradojnë strukturat arkeologjike, ndërsa Ujësjellësi i Durrësit mbetet në pritje të projekteve dhe kredieve të huaja, për ta riparuar dhe zhvendosur në një zonë tjetër.
