Kontrolli i Lartë i Shtetit gjeti se Ministria e Kulturës në rehabilitimin e ambientit të jashtëm të saj dhe të institucioneve të varësisë, vendosi kritere jashtë fokusit të projektit dhe shpalli fituese një ofertë me zëra financiarë të pa specifikuara plotësisht.
Vjedhja e identitetit të gazetarit Armand Bajrami dhe përdorimi i tij në mënyrë të paligjshme shënoi një precedent të ri në sulmet digjitale ndaj punonjësve të medias. Eksperienca me zbardhjet e pakta të sulmeve fizike ndaj gazetarëve, dëshmon për një sfidë edhe më të madhe në zbardhjen e atyre me natyrë digjitale.
Kryeministri Edi Rama njoftoi gjatë një vizite në Kroaci për korrigjime në skemën e administrimit të fondeve të Bashkimit Evropian për bujqësinë, i njohur si “Programi IPARD”. Ai kërkoi ekspertizën e Kroacisë për të realizuar procesin, që vjen pas dyshimeve të Komisionit Evropian për abuzime me fondet në Shqipëri.
“Guri i Përmetit”, një monument Kulture i Kategorisë së Parë dhe njëkohësisht Monument Natyre, “mban mbi supe” struktura ndërtimore që ruajnë të dhëna arkeologjike. Megjithatë kërkimet kanë qenë të pakta dhe ende nuk është përcaktuar përdorimi i tyre të paktën që nga mesjeta.
Muzeu Arkeologjik i Durrësit është një nga më të rëndësishmit në vend për objektet që datojnë nga prehistoria deri në mesjetë dhe që po rikonstruktohet. Por teksa po mbushet gati një vit nga nisja e punimeve, ato kanë ecur me ritme të ulta. UNOPS, organizata që po zhvillon projektin nuk ju përgjigj një kërkese për koment.
Prej 27 vitesh një tub për furnizimin me ujë të pijshëm përshkon përmes Forumin Rrethor në Durrës, një monument i shekujve V-VI të Erës Sonë. Tubi plastik ka rrjedhje të shumta përgjatë tij, të cilat po degradojnë strukturat arkeologjike, ndërsa Ujësjellësi i Durrësit mbetet në pritje të projekteve dhe kredieve të huaja, për ta riparuar dhe zhvendosur në një zonë tjetër.
Parku Kombëtar i Butrintit gjendet midis ujërave të liqenit dhe të Detit Jon, duke gërshetuar një peizazh mbresëlënës. Rrënojat arkeologjike dhe monumentet ofrojnë dëshmi të zhvillimit të qyetit nga antikiteti deri në mesjetë, mishëruar në teatrin antik, bazilikën, mozaikët, portat antike dhe kullën veneciane.
Prokuroria e Tiranës e pezulloi hetimin për dhunën ndaj drejtuesit të medias “Citynews.al”, Elvi Fundo. Ai tregoi se kjo është hera e dytë që hetimi u pezullua dhe ai do të kërkoj përsëri nisjen e tij. I ndaluari i vetëm për ngjarjen e vitit 2017 sipas Fundos u la i lirë sepse kishte një alibi bindëse.
Përfaqësues të “Nismës Thurje” depozituan në SPAK një kallëzim penal për zyrtarët e Agjencisë për Bujqësinë (AZHBR) dhe për ish-ministren e bujqësisë Frida Krifca, me dyshimet se kanë shpërdoruar detyrën dhe janë korruptuar. Kjo është hera e dytë që zyrtarisht Programi IPARD shkon në SPAK, i cili herën e parë shpalli moskompetencën.
Ndërtesa e Shkollës së Mesme të Bashkuar “Sali Halili” në fshatin Rrajcë, të vlerësuar nga UNESCO, nuk i hapi sot dyert për shkak të amortizimit. 433 nxënësit dhe prindërit e tyre kundërshtuan zhvillimin e mësimit edhe këtë vit në lokalet dhe ambientet private të zonës, duke kërkuar rindërtimin e shkollës, për të cilën ekziston një projekt.
