Socialistët votuan të enjten ngritjen e një Komisioni të Posaçëm për Dezinformimin, që ngjalli shqetësime të shumta për përdorimin si një mjet censure ndaj mediave të lira. Këshilli Shqiptar i Medias u shpreh kundër ngritjes së komisionit, duke e cilësuar si mjet për kufizimin e mediave nën petkun e hetimeve për dezinformimin.
Drejtuesit e Organizatës “Reporterët pa Kufij” dhe gazetarët vendas u mblodhën në Tiranë për të analizuar vështirësitë e punës së reporterëve, lirinë e medias dhe të drejtën e informimit. Konferenca theksoi rëndësinë e pavarësisë së gazetarëve dhe përdorimin efikas të së drejtës për informim në forcimin e demokracisë.
Sulmet digjitale ndaj gazetarëve dhe mediave në vend po shënojnë rritje, pasi së fundmi media “Citizens Channel” po përballet me fshirjen e përmbajtjeve në faqen e saj në “Facebook”, një sulm i koorinduar që është transferuar edhe tek faqja e tyre në internet.
Reporterja e “Syri TV”, Ambrozia Meta, u përball të martën me cenimin fizik nga kryeministri Edi Rama, teksa ai për të disatën herë refuzoi t’i përgjigjej pyetjeve të saj, që këtë herë fokusoheshin tek interesi publik dhe projektet ndërtimore për ishullin e Sazanit.
Pas rrahjes së kryeredaktorit të gazetës opozitare “Rilindja Demokratike”, Bledi Kasmi, nuk ju mor dëshmia për ngjarjen dhe megjithëse u trajtua në spital, ai tregoi se “ju fsheh” kartela mjekësore. Pavarësisht se Kasmi kërkoi ta ndiqte rastin, ai u pengua nga institucionet.
Sindikatat e medias në Shqipëri dhe organizatat rajonale ende nuk kanë marrë asnjë reagim institucional nga RTSH në lidhje me ankesat e ngritura në emër të gazetarëve për largime të padrejta nga puna, ndërkohë që raste të reja janë regjistruar dhe vendi po bën hapa pas në lirinë e shtypit.
