Protesta e paralajmëruar u zhvillua të enjten paradite përpara Kuvendit të Shqipërisë, në të njëjtën kohë me seancën plenare. Përplasjet mes një pjese të protestuesve dhe forcave të rendit u shoqëruan me hedhje vezësh ndaj efektivëve, tentativa për të shtyrë kordonin policor dhe shoqërimin e disa protestuesve.
Propozimi për shkrirjen e 15 bashkive po përballet me protesta, peticione dhe kundërshtime nga qytetarët e drejtuesit vendorë të njësive që rrezikojnë të humbasin statusin e tyre. Drafti e argumenton konsolidimin me forcimin e kapaciteteve administrative, financiare dhe të shërbimeve, ndërsa në Dimal kundërshtohet edhe mënyra se si janë përdorur kriteret teknike për ta përfshirë bashkinë në listën e shkrirjes.
Protesta e zhvilluar të enjten përpara Kuvendit u shoqërua me përplasje mes protestuesve dhe Policisë së Shtetit, përdorim të mjeteve për shpërndarjen e turmës dhe shoqërimin e dhjetëra personave. Mes tyre ishin aktivistë të lëvizjes “Revolucioni i Flamingove” dhe gazetarja e “Citizens.al”, Vjolanda Peca, çka solli reagime nga Organizatat e Shoqërisë Civile për mosrespektimin e lirisë së tubimit dhe të medias.
Qytetarë të mbledhur në protestë para Kuvendit të Shqipërisë qëlluan me vezë automjetet e deputetëve dhe ministrave gjatë mbërritjes së tyre në seancën plenare. Protesta u zhvillua nën masa të forta sigurie dhe u shoqërua me thirrje kundër qeverisë dhe përfaqësuesve politikë.
Ajo që nisi si një reagim kundër ndërhyrjeve në zonën e mbrojtur të Zvërnecit, brenda pak javësh u shndërrua në një lëvizje qytetare që mblodhi aktivistë, të rinj, familje, organizata dhe qytetarë nga e gjithë Shqipëria. Në ditën e 45-të të protestave, Amfora sjell kronologjinë dhe evolucionin e protestës të pagëzuar si “Revolucioni i Flamingove”, si një simbol i mbrojtjes së natyrës dhe pjesëmarrjes qytetare.
Pesë kërkesa politike dhe institucionale po marrin formë në protestën qytetare që vijon prej javësh përpara Kryeministrisë. Ndërkohë, organizatorët e tubimeve paralajmërojnë pjesëmarrjen e shqiptarëve nga diaspora në fillim të muajit korrik.
Kryeministri Edi Rama e paraqiti projektin e Zvërnecit si një mundësi historike për vendin, teksa debati rreth tij po zgjerohet, nga protestat qytetare dhe peticionet ndërkombëtare te hetimet e SPAK. Ndërsa qeveria mbështetet te argumenti i pronës private, mbeten pa përgjigje shqetësimet për ndërhyrjet në Zonën e Mbrojtur.
Protesta kundër projektit TID në Durrës u shoqërua me tensione, ndërhyrje policie dhe shoqërimin e disa protestuesve. Ndërkohë, mbledhja e Këshillit Bashkiak për subvencionimet u zhvillua mes debatesh dhe u braktis nga një pjesë e këshilltarëve.
