Objekte dhe monedha të dyshuara si pjesë e trashëgimisë kulturore janë sekuestruar në Portin e Durrësit gjatë një kontrolli në vijën e dytë. Sipas autoriteteve, materialet janë referuar në Prokurori, ndërsa objektet do t’i nënshtrohen verifikimeve të mëtejshme.
Organizatat e medias dhe përfaqësues të diplomacisë së huaj në vendin tonë zbritën në Bulqizë për të mbështetur gazetarin Sami Curri dhe për të kërkuar reagim nga autoritetet vendore pas djegies së makinës së tij. Megjithatë, një javë pas ngjarjes dhe pavarësisht takimeve me policinë dhe prokurorinë, hetimet nuk kanë dhënë ende rezultat.
Mbetjet që dolën nga Shqipëria si material industrial, por që dyshohen si të rrezikshme, janë zhvendosur sërish. Këtë herë, ato janë transferuar pranë një tjetër zone të banuar në Durrës, ndërsa institucionet nuk kanë dhënë një shpjegim publik për vendimmarrjen.
Tetë persona janë vënë në pranga në lidhje me arratisjen e 38-vjeçarit Altin Ndoci nga spitali. Mes të arrestuarve janë drejtues dhe punonjës të sistemit të burgjeve dhe të shërbimit shoqërues, të dyshuar për shpërdorim detyre.
Një nga organizatat më të fuqishme shqiptare në trafikun ndërkombëtar të drogës është goditur nga SPAK pas një hetimi me autoritetet e huaja, që zbuloi se ata trafikuan 28 tonë kokainë. Të dhënat u siguruan pas zbulimit të komunikimeve në platformën “Sky ECC”, duke ekspozuar eksponentë të krimit nga Elbasani në Shijak, të cilët dyshohet se i investojnë paratë në resorte.
Në Shqipëri janë regjistruar 19 grabitje të muzeve nga viti 1990 dhe në total janë marrë 1026 artefakte. Amfora zbuloi se një pjesë e ngjarjeve nuk janë regjistruar në prokurori dhe të tjerat janë mbyllur pasi nuk u identifikuan autorët.
Operacionet policore për ndalimin e trafikantëve të veprave të artit po rezultojnë flluska me pasoja për tregtarët dhe anëtarët e komunitetit rom. Dogana Shqiptare pretendon se ka ekspertizë, por nuk ka një databazë për veprat e artit të grabitura, ndërsa në vend theksohet mungesa e ekspertëve të profilizuar në vlerësimin e tyre.
Anija me 102 kontejnerë me mbetje që dyshohen si “të rrezikshme”, mbërriti këtë mëngjes në Durrës dhe pret të depozitojë ngarkesën. Teksa Prokuroria ka kërkuar monitorimin e tyre dhe që ngarkesa të mos hapet, “Rrjeti i Veprimit të Bazelit” u bëri thirrje nga Durrësi autoriteteve shqiptare që të bëjnë një hapje publike të kontejnerëve dhe të merren mostra për analiza të pavarura.
Shkatërrimi i një prej simboleve të trashëgimisë kulturore të Shqipërisë në Porto-Romano, gjatë ndërtimit të portit të hidrokarbureve sipas Prokurorisë dhe Gjykatës së Durrësit nuk përbën vepër penale. Pas një hetimi 4 vjeçar, ata u fshehën pas një akt-ekspertize që tregonte një situatë ndryshe nga e vërteta në terren dhe pushuan çështjen ndaj Kompanisë Kastrati.
