Një grup aktivistësh dorëzoi në SPAK librin “The Albanian Files: Freedom and Architecture”, duke kërkuar hetimin e vendimmarrjeve që, sipas tyre, lidhen me projektet e mëdha të ndërtimit dhe ndryshimet në ligjin për zonat e mbrojtura. Sipas aktivistëve, libri përmban të dhëna që ngrenë dyshime mbi mënyrën e miratimit të disa prej këtyre projekteve.
Organizatat mjedisore i janë përgjigjur deklaratës së Kryeministrit Edi Rama për investimin në Zvërnec, duke ngritur pikëpyetje mbi procedurat e ndjekura dhe bazën mjedisore të projektit. Në një reagim të përbashkët, ato argumentojnë se leja e zhvillimit është dhënë përpara përfundimit të vlerësimeve që duhet të përcaktojnë ndikimin e tij në zonën e mbrojtur.
Kryeministri Edi Rama e paraqiti projektin e Zvërnecit si një mundësi historike për vendin, teksa debati rreth tij po zgjerohet, nga protestat qytetare dhe peticionet ndërkombëtare te hetimet e SPAK. Ndërsa qeveria mbështetet te argumenti i pronës private, mbeten pa përgjigje shqetësimet për ndërhyrjet në Zonën e Mbrojtur.
Organizata për Mbrojtjen dhe Ruajtjen e Mjedisit Natyror në Shqipëri (PPNEA) dhe “EuroNatur” ngritën shqetësime për vijimin e punimeve në zonën e mbrojtur të Pishë Poro-Nartës, duke denoncuar mungesën e transparencës dhe dëmtimin e habitateve natyrore. Përfaqësuesit e organizatave i bënë thirrje institucioneve shqiptare dhe Bashkimit Evropian të monitorojnë nga afër situatën dhe të ndalin ndërhyrjet në zonë.
33 masa sigurie janë marrë në Durrës në kuadër të një hetimi për kontrabandë të mbetjeve të rrezikshme. Çështja lidhet me eksportimin e paligjshëm të mbetjeve industriale dhe funksionimin e mekanizmave të kontrollit.
Studimi i Institutit të Vjenës tregon se Shqipëria po i afrohet Bashkimit Evropian kryesisht në digjitalizim, me vetëm 9 vite diferencë nga mesatarja e BE-së. Por vendi mbetet shumë prapa në arsim, mjedis, infrastrukturë dhe qeverisje, ku diferencat shkojnë deri në mbi 100 vite. Ndërsa në kuadrin rajonal vendet e Ballkanit Perëndimor shfaqin ritme të pabarabarta progresi.
Aktivistë dhe qytetarë protestuan përpara Gjykatës së Lartë, një vit pasi ajo vendosi që çështja e ndërtimit të Aeroportit të Vlorës të kalojë për shqyrtim në Gjykatën e Apelit. Mos zbardhja e vendimit prej saj ka penguar aktivistët që ta adresojnë ligjërisht, teksa punimet e aeroportit po shkojnë drejt fundit.
Gjykata e Beratit firmosi 4 masa sigurie për zyrtarët e mjedisit dhe të policisë që dyshohet se kanë lejuar shfrytëzimin e Malit të Tomorrit për nxjerrjen e gurëve dekorativë. Ata dyshohet se lejuan persona të paautorizuar për shfrytëzimin e Malit të Tomorrit, të cilët u kapën në flagrancë në nëntor 2024.
Në Ditën e Tokës dhjetra të rinj në Durrës dhe organizata zhvilluan një pedalim me karakter sensibilizues për kujdesin ndaj mjedisit. Të rinjtë shpërndanë edhe informacione që synojnë angazhimin e komunitetit që përballet me pasojat e tërmetit të 26 nëntorit 2019. Pasditen e 22 prillit dhjetra të rinj pedaluan në kuadër të Ditës së Tokës, … Continued
Kjo është seria e parë nga 3 video-dokumentar të shkurtër, me karakter gazetaresk, realizuar në kuadër të projektit “Qytetarët e Durrësit aktorë dhe faktorë në vendimmarrjen lokale”, që po zbatohet nga Qendra Durrësi Aktiv, përmes mbështetjes së “Lëviz Albania”, një projekt i Agjencisë Zvicerane për Zhvillim dhe Bashkëpunim, SDC. Video-dokumentari i shkurtër sjell rrëfimet e … Continued
