Në Durrës u zhvillua protesta e radhës në reagim ndaj përmbytjeve që prej disa ditësh kanë prekur zona të ndryshme të qytetit. Protestuesit kërkuan shpalljen e gjendjes së emergjencës, thellimin e hetimeve dhe marrjen e masave të menjëhershme institucionale për përballimin e situatës.
Qyteti i Vlorës po kalon ditën e katërt pa furnizim me ujë të pijshëm pas një defekti në tubacionin kryesor të transmetimit. Ndërsa ujësjellësi flet për një zgjidhje të afërt, qytetarët e cilësojnë situatën si kolaps dhe paralajmërojnë rrezik për vitin 2026.
Praktika ekonomike e investitorëve strategjikë iu shitet shqiptarëve si motor zhvillimi. Në realitet, ajo ka shërbyer si mekanizëm për transferimin e pasurisë publike drejt interesave private, pa prodhuar mirëqenie për familjet shqiptare dhe pa ndikuar në rritjen e ekonomisë produktive.
Buxheti i vitit 2026 parashikon rritje të lartë të shpenzimeve publike dhe një rol më të zgjeruar të shtetit në ekonomi, i nxitur nga PPP-të dhe investimet publike, por ngre pikëpyetje serioze mbi qëndrueshmërinë fiskale, produktivitetin dhe ndikimin në sektorin privat.
Gjuha jonë po e humb pak nga pak pastërtinë dhe tiparin e vet. Jo nga dhuna e urdhri, por nga zakoni i përditshëm dhe nxitja shoqërore. Fjalë të huaja, sidomos ato angleze, po zënë ngadalë vendin e fjalëve tona në të folur, në të shkruar e në jetën e përditshme. Kështu, rreziku i sotëm ndaj gjuhës nuk vjen nga ndikimi i huaj, por nga mospërfillja jonë.
Fondet e Bashkimit Evropian për bujqësinë mbeten të pezulluara, ndërsa hetimet e SPAK për abuzime dhe kërkesat e opozitës për transparencë vijojnë. Komisionerja Marta Kos theksoi se menaxhimi i tyre duhet të jetë i rreptë dhe i përgjegjshëm, pasi ato janë para të taksapaguesve evropianë.
UNESCO ka lançuar muzeun e parë virtual në botë të objekteve kulturore të vjedhura, një platformë digjitale që mbledh mbi 240 artefakte nga 46 vende. I prezantuar gjatë konferencës MONDIACULT 2025, muzeu shfrytëzon teknologji si modelimi 3D dhe realiteti virtual për të dokumentuar objekte që janë larguar nga vendlindja e tyre përmes trafikimit të paligjshëm.
Gjatë verifikimeve për ngjarjen e Rinasit, policia zbuloi një arsenal armësh dhe lëndësh shpërthyese në një fshat të Fushë-Krujës. Pronari i banesës është shpallur në kërkim dhe procedurat po vijojnë.
Banorët e prekur nga projekti TID në Durrës, në protestën e radhës i kërkuan Këshillit Bashkiak të ngrejë zërin për të ndaluar dhe riparë projektin, duke theksuar se janë shkelur procedurat ligjore dhe mungon transparenca në vendimmarrje.
Bizhuteritë e Kurorës franceze u vodhën nga Galeria e Apollonit në Muzeun e Luvrit në Paris për vetëm shtatë minuta, në një operacion të mirëorganizuar që autoritetet e kanë cilësuar si ‘jashtëzakonisht të sofistikuar’. Sipas mediave franceze, hetimet vijojnë ndërsa ngrihen kritika për mangësitë në sigurinë muzeale dhe funksionimin e sistemeve të alarmit në muze.
