Socialistët votuan të enjten ngritjen e një Komisioni të Posaçëm për Dezinformimin, që ngjalli shqetësime të shumta për përdorimin si një mjet censure ndaj mediave të lira. Këshilli Shqiptar i Medias u shpreh kundër ngritjes së komisionit, duke e cilësuar si mjet për kufizimin e mediave nën petkun e hetimeve për dezinformimin.
Drejtuesit e Organizatës “Reporterët pa Kufij” dhe gazetarët vendas u mblodhën në Tiranë për të analizuar vështirësitë e punës së reporterëve, lirinë e medias dhe të drejtën e informimit. Konferenca theksoi rëndësinë e pavarësisë së gazetarëve dhe përdorimin efikas të së drejtës për informim në forcimin e demokracisë.
Sulmet digjitale ndaj gazetarëve dhe mediave në vend po shënojnë rritje, pasi së fundmi media “Citizens Channel” po përballet me fshirjen e përmbajtjeve në faqen e saj në “Facebook”, një sulm i koorinduar që është transferuar edhe tek faqja e tyre në internet.
Një email i mbërritur në adresën e punës dhe të televizionit ku punon gazetari dhe aktivisti Isa Myzyraj, përcolli kërcënimin e tij me jetë. Mesazhin që përmbante gjuhë urrejtjeje, antisemite dhe homofobike, e dënoi “Rrjeti i Gazetarëve të Sigurt”, si një shqetësim të thellë që sulmon lirinë e medias.
Vjedhja e identitetit të gazetarit Armand Bajrami dhe përdorimi i tij në mënyrë të paligjshme shënoi një precedent të ri në sulmet digjitale ndaj punonjësve të medias. Eksperienca me zbardhjet e pakta të sulmeve fizike ndaj gazetarëve, dëshmon për një sfidë edhe më të madhe në zbardhjen e atyre me natyrë digjitale.
Prokuroria e Tiranës e pezulloi hetimin për dhunën ndaj drejtuesit të medias “Citynews.al”, Elvi Fundo. Ai tregoi se kjo është hera e dytë që hetimi u pezullua dhe ai do të kërkoj përsëri nisjen e tij. I ndaluari i vetëm për ngjarjen e vitit 2017 sipas Fundos u la i lirë sepse kishte një alibi bindëse.
Dhunimi i gazetarëve të Televizionit “News 24” Ergys Gjençaj dhe Klodiana Lala nga një skuadër operacionale e Policisë së Shtetit, përfundoi pa hetimin e personave përgjegjës. Megjithëse u dhunuan pasi filmuan dështimin e një operacioni antidrogë, Prokuroria e Tiranës vendosi të mos fillonte procedim penal pas kallëzimit që regjistroi.
Sindikatat e medias në Shqipëri dhe organizatat rajonale ende nuk kanë marrë asnjë reagim institucional nga RTSH në lidhje me ankesat e ngritura në emër të gazetarëve për largime të padrejta nga puna, ndërkohë që raste të reja janë regjistruar dhe vendi po bën hapa pas në lirinë e shtypit.
Sulmi verbal i kryebashkiakut Erion Veliaj ndaj gazetares Ola Xama, u dënua nga organizata ndërkombëtare të medias, por kjo i nuk ndaloi kërcënimet ndaj punonjësve të medias. Po fundjavën e shkuar gazetarja Marsi Korreshi dhe ekipi i Televizionit “Syri” u penguan dhe u kërcënuan që të mos raportonin një takim elektoral të kandidatit socialist për Bashkinë Rrogozhinë.
Gazetaria e pavarur e konsideruar si pushteti i katërt, ajo e thelluar që dëshirojmë të gjithë, nuk ka bërë hapa përpara edhe gjatë vitit të kaluar. Raporti i publikuar së fundmi me titullin, “Treguesit e Nivelit të Lirisë së Mediave dhe Sigurisë së Gazetarëve në Shqipëri 2022”, tregon se ende lidhjet mes medias, politikës dhe biznesit vazhdojnë ta përkeqësojnë situatën për gazetarët, ndërsa dominon media klienteliste.
