Të paktën 76 përfitues të fondeve IPARD janë aktualisht në procese gjyqësore për kthimin e granteve, nga vetëm 8 raste të deklaruara në vitin 2023. Ndërkohë, çështja vijon të jetë nën hetim nga SPAK-u dhe programi mbetet ende i bllokuar.
SPAK mbrojti në Gjykata Kushtetuese masën e pezullimit ndaj Belinda Balluku, duke e cilësuar atë proporcionale dhe të nevojshme për të shmangur komprometimin e provave. Gjykata mbylli seancën dëgjimore dhe u tërhoq për vendim, i cili pritet të jepet në seancën e radhës.
Autoritetet kanë nisur verifikimin e përgjegjësive institucionale pas arratisjes së Altin Ndocit nga Spitali Rajonal i Durrësit. Hetimet po fokusohen te shkeljet e protokolleve të sigurisë gjatë shoqërimit të tij dhe roli i strukturave përgjegjëse.
Në Durrës u zhvillua protesta e radhës në reagim ndaj përmbytjeve që prej disa ditësh kanë prekur zona të ndryshme të qytetit. Protestuesit kërkuan shpalljen e gjendjes së emergjencës, thellimin e hetimeve dhe marrjen e masave të menjëhershme institucionale për përballimin e situatës.
Policia goditi grupin që trafikonte vepra arti nga Europa në Shqipëri, në operacionin “Muzeu i errët”. Në Kamëz u sekuestruan qindra objekte me vlera historike dhe kulturore, ndërsa dy persona u arrestuan dhe një tjetër është në kërkim.
Pas tre vitesh hetime, SPAK ka deklaruar vetëm se ka nisur procedim penal për një çështje që duhej të ishte zbardhur, ndërsa OLAF ka ngritur prej kohësh shqetësimin për menaxhimin abuziv të fondeve IPARD.
Operacioni “Skaneri” zbuloi një rast kontrabande nga dogana e Maqedonisë së Veriut, ku u arrestua një 42-vjeçar që transportonte mallra pa faturë. Në këtë skemë u përfshinë edhe punonjës dogane, ku një doganier u arrestua dhe një tjetër po hetohet.
Në zona të thella malore të Shkodrës u gjetën mijëra rrënjë kanabis dhe lëndë narkotike e përpunuar. Pesë kryepleq u proceduan penalisht për moskallëzim krimi, ndërsa autorët e kultivimit mbeten të paidentifikuar.
SPAK dhe Policia e Shtetit zhvilluan një operacion në Durrës, duke goditur një grup kriminal të përfshirë në tjetërsimin dhe përvetësimin e pronave në zonën e Gjirit të Lalzit dhe vrasje me pagesë. Arrestimet prekën bandat e “Avdylajve” në Shijak dhe të “Rrumit” në Sukth.
Pas një hetimi dyvjeçar, është zbuluar një rrjet kriminal i përfshirë në trafikimin dhe shitjen e lëndëve narkotike në Finlandë, i udhëhequr nga shtetas shqiptarë. Në kuadër të këtij hetimi, janë ndaluar nëntë persona, ndërsa hetimet vazhdojnë për identifikimin dhe ndalimin e të tjerëve të përfshirë.
