Kuvendi miratoi kalimin nga 61 në 46 bashki, pavarësisht protestave dhe kundërshtimeve të banorëve e këshillave vendorë të disa prej njësive të prekura. Kryeministri Edi Rama e cilësoi votimin si një hap modernizues, ndërsa kundërshtarët ngritën shqetësime për largimin e shërbimeve dhe dobësimin e përfaqësimit të komuniteteve.
Administratori i kompanisë që merret me trajtimin e mbetjeve në qarkun e Elbasanit, Leli Kaja, u arrestua në flagrancë. Sipas SPAK-ut, ai dyshohet se kërkoi dhe mori 400 mijë lekë nga administratori i një biznesi, në këmbim të moskryerjes së detyrave.
Komisioni Qendror i Zgjedhjeve u ka kërkuar 15 partive politike qëndrimin e tyre për përdorimin e votimit dhe numërimit elektronik në tri ose katër bashki të mëdha në zgjedhjet vendore të vitit 2027. Institucioni i ka ftuar në konsultim më 9 tetor, ndërsa shkresa nuk përcakton bashkitë ku mund të zbatohet sistemi.
Pesë vatra zjarri mbeten aktive në vend nga 28 të raportuara gjatë 24 orëve të fundit, ndërsa katër familje janë evakuuar përkohësisht në Mallakastër për arsye sigurie. Situata paraqitet problematike edhe në zonën e Dajtit, ku vijojnë ndërhyrjet nga toka dhe ajri për izolimin dhe shuarjen e flakëve.
Projekt-ideja për rivitalizimin e Kalasë së Elbasanit përfshin analizën e 434 ndërtesave të lagjes “Kala”, si bazë për ndërhyrjet e propozuara në zonën historike. Ndërsa institucionet e paraqesin rivitalizimin si një ndërhyrje për ruajtjen e trashëgimisë dhe zhvillimin e zonës, banorët kundërshtojnë mënyrën e trajtimit të objekteve, ndikimin mbi pronat dhe ndryshimet që mund të sjellë në një lagje të banuar prej brezash.
Mozaikë të një faze më të hershme të Bazilikës Paleokristiane të Elbasanit kanë dalë në dritë gjatë gërmimeve të këtij viti, duke sjellë të dhëna të reja për historinë e qytetit antik të Scampis dhe evolucionin e monumentit. Arkeologët besojnë se kompleksi shtrihet përtej zonës së eksploruar deri më sot.
Në 53-vjetorin e Revoltës së Spaçit, në disa qytete të vendit u organizuan aktivitete përkujtimore në nder të të burgosurve politikë që u ngritën kundër regjimit komunist në 21 maj të vitit 1973.
Reshjet e 6 janarit 2026 dëmtuan katër monumente kulture, ndërsa rreth dhjetë të tjerë rezultojnë në gjendje të amortizuar ose në risk. Disa prej tyre kanë marrë ndërhyrje emergjente, ndërsa për të tjerët projektet e restaurimit mbeten në planifikim.
Reshjet e këtij dimri kanë ekspozuar sërish gjendjen e amortizuar të disa monumenteve të kulturës në Elbasan, të cilat vijojnë të konsiderohen në rrezik. Të dhënat zyrtare tregojnë se, pavarësisht monitorimit dhe projekteve të miratuara, një pjesë e këtyre objekteve mbeten ende të pambrojtura ndaj faktorëve natyrorë.
Policia arrestoi 16 persona dhe shpalli në kërkim 8 të tjerë, të përfshirë në ndotje mjedisore në zonën e ish-Metalurgjikut. Dy kompani që përpunonin mbetje metalike janë pezulluar për shkelje të ligjit mbi menaxhimin e mbetjeve dhe ndotjen e ajrit, ujërave dhe tokës.
