Nga Sorosi te interesat e fshehta, si u shënjestruan mbështetësit e protestave

Aktivistë dhe influencerë që mbështesin protestat në Shqipëri janë shënjestruar në mediat në internet, rrjetet sociale dhe deklaratat politike me akuza për financime të huaja dhe interesa personale. Pretendimet kanë përfshirë edhe familjarët e tyre, ndërsa lidhjet e përmendura me fondacione apo aktorë të huaj nuk kanë paraqitur prova se ata ishin të porositur për organizimin apo drejtimin e protestave.

“Shkarkimi” i myftiut të Vlorës, qëndrimet kritike përballë narrativave dezinformuese

Lajme që e paraqitën si “shkarkim” transferimin e myftiut të Vlorës, Ardit Hoxhllaku, e lidhën lëvizjen me qëndrimet e tij për hebrenjtë dhe Palestinën, si edhe me presione të pretenduara nga qeveria dhe kërkesa nga Ambasada e Izraelit. Ndërkohë, Komuniteti Mysliman i Shqipërisë e përfshiu Hoxhllakun në një proces më të gjerë lëvizjesh brenda institucionit. Myftiu, i njohur për qëndrimet kritike ndaj çështjeve politike, kombëtare dhe problematikave të komunitetit, u transferua në Peqin.

Protestat dhe turizmi: Si u kthyen rezervimet në një betejë narrativash

Pretendimet për anulime rezervimesh pas protestave qytetare kanë hapur një debat publik mbi ndikimin e tyre në sezonin turistik. Ndërsa qeveria dhe një pjesë e operatorëve flasin për pasoja ekonomike, ekspertë dhe përfaqësues të sektorit thonë se deri tani mungojnë prova publike që protestat kanë ndryshuar sjelljen e turistëve apo të operatorëve ndërkombëtarë.

Rama fshihet pas pronës private, pyetjet për Zvërnecin mbeten pa përgjigje

Kryeministri Edi Rama e paraqiti projektin e Zvërnecit si një mundësi historike për vendin, teksa debati rreth tij po zgjerohet, nga protestat qytetare dhe peticionet ndërkombëtare te hetimet e SPAK. Ndërsa qeveria mbështetet te argumenti i pronës private, mbeten pa përgjigje shqetësimet për ndërhyrjet në Zonën e Mbrojtur.