B.A.B Softs

Amfora .al

Amfora.al është një media online jofitimprurëse me në fokus raportimin për trashëgiminë kulturore dhe mjedisin në Shqipëri. Publikimet tona janë autentike dhe synojnë rritjen e cilësisë së raportimit gazetaresk për ngjarjet që lidhen me arkeologjinë, trashëgiminë kulturore, mjedisin dhe çështjet social-kulturore.

Redaksia - Amfora Production

“Amfora Production” është studio filmimi e profilizuar në krijimet mediatike dhe publikimet me karakter gjeneralist. Përmbajtja e këtij publikimi është përgjegjësi e redaksisë së medias “Amfora Production”.

Redaksia - Amfora.al

Amfora.al është një media online kushtuar arkeologjisë dhe monumenteve të kulturës në Shqipëri, me fokus në qytetin e Durrësit. Ne synojnë informimin e qytetarëve për zhvillimet mbi arkeologjinë dhe monumentet e kulturës. Përmbajtja e këtij shkrimi është përgjegjësi e redaksisë së Medias Amfora.

Artan Kacani

Ka mbaruar studimet universitare për "Planifikim Urban dhe Krijim të Politikave", në Universitetin Politeknik të Milanos. Është doktoruar për çështjet që lidhen me strehimim dhe banesat informale. Aktualisht është lektor në universitet në fushën e Planifikimit Urban. Është i angazhuar në çështjet e strehimit dhe aktivizmit qytetar. Është autor i një sërë publikimesh shkencore dhe është fokusuar në studimin e historisë së Durrësit.

Dorian Hatibi

Është diplomuar në Fakultetin e Shkencave Sociale, parë Universitetit të Tiranës dhe në Fakultetin e Shkencave Ekonomike, Politike dhe Sociale, pranë Universitetit Katolik "Zoja e Këshillit të Mirë", Tiranë. Për më shumë se një dekadë ka ushtruar kompetencën në fushën e çështjeve sociale dhe politike, brenda dhe jashtë vendit, duke shërbyer për disa vite edhe si lektor i Psikologjisë Kulturore dhe Sociologjisë, në Universitetin Aleksandër Moisiu Durrës. Aktualisht është fokusuar në zbardhjen e identitetit kulturor dhe historisë sociale të qytetit të Durrësit. Është autor i disa botimeve ndër të cilat "Historia e Durrësit. Shënime kronologjike", "Ecclesia Dyrrhachiensis" dhe "Qyteti që rrëfen".

Valdrin Vlesha

Është diplomuar për Gjeografi në Universitetin e Shkodrës dhe ka mbaruar Master Profesional në Fakultetin e Histori-Filologjisë, dega mësuesi. Aktualisht ndjek studimet në Master Shkencor për Trashëgimi Kulturore. Ka punuar në Muzeun e Kastriotëve, në Peshkopi. Është fokusuar në studimin e historisë së familjes së Kastriotëve dhe artit shkëmbor në zonën e Dibrës.

Elira Kadriu

Është kontributore në Median Amfora. Ajo është diplomuar në nivelin "Master" për Gazetari dhe Komunikim, në Universitetin e Tiranës. Ka eksperiencë në median tradicionale dhe "online". Ka punuar si redaktore në materiale të ndryshme botimi. Aktualisht është e angazhuar në mbulimin e çështjeve urbanistike dhe sociale, pranë Medias Citizens Channel.

Erjola Azizolli

Erjola Azizolli është gazetare në Median Amfora. Ajo ka një përvojë disavjeçare në gazetarinë shqiptare, duke punuar kryesisht në televizion, revista dhe media në internet. Ajo është fokusuar në gazetarinë investigative për trashëgiminë kulturore dhe mjedisin. Gjithashtu raporton edhe për temat që lidhen me të drejtat e njeriut, gratë dhe grupet e margjinalizuara. Ajo është angazhuar prej shumë vitesh si aktiviste dhe ka ndërmarrë disa nisma për të përmirësuar jetën e komuniteteve në Berat dhe Durrës.

Gerhard Mema

Student i diplomuar në degën e Historisë dhe Civilizimit, në ciklin "Bachelor of Arts", në Universitetin Amerikan të Bullgarisë (AUBG), Blagoevgrad, Bullgari. Student në degën e Ruajtjes së Trashëgimisë dhe Menaxhimit të Siteve Turistike, në ciklin "Joint Semester Master of Arts", në Universitetin Teknik të Brandenburgut - Kotbus dhe Senftenberg (BTU), Gjermani dhe Universitetin Helwan, Kajro, Egjipt.

Geri Emiri

Është themelues dhe drejtor ekzekutiv i Qendrës Amfora. Ka mbaruar studimet për “Gazetari dhe Komunikim” dhe ka studiuar “Marrëdhënie me Publikun”, në nivelin “Master i Shkencave”, të dyja në Universitetin e Tiranës. Ai ka punuar në disa media në internet dhe televizive. Ka vijuar me kualifikimet në Evropë, Mbretërinë e Bashkuar dhe SHBA. Ai është vlerësuar me disa çmime, duke përfshirë Çmimin e BE-së për Gazetarinë Hulumtuese në Shqipëri, vendi i dytë, për vitin 2020. Ai është angazhuar prej vitesh si aktivist dhe ka ndërmarrë disa nisma për të përmirësuar jetën e komunitetit në Durrës. Është fokusuar në gazetarinë investigative dhe mbështetjen e aktivistëve.

Gëzim Kabashi

Është kontributor në Median Amfora. Ai është gazetar në profesion të lirë në qytetin e Durrësit. Për shumë vite ai ka punuar si korrespondent i Agjencisë Telegrafike Shqiptare, ATSH.

Leart Berisha

Ai është gjimnazist nga Durrësi, ka pasion sportet, teknologjinë dhe kujdeset për komunitetin. Së fundmi ka ndërmarrë një nisëm për të ndërgjegjësuar autoritetet vendore për vendosjen e pikave të shpërndarjes së ujit falas në sheshet publike të Durrësit. Angazhimi i tij vjen në kuadër të programit "Shkëndija", që po zbatohet nga Co-PLAN, Instituti për Zhvillimin e Habitatit, me mbështetjen e Zyrës së Marrëdhënieve me Publikun në Ambasadën Amerikane në Tiranë.

Livia Kreko

Mikel Nushi

Mikel Nushi është pinjoll i një familje të hershme qytetare të Durrësit. Ai është diplomuar në Fakultetin e Arkitekturës dhe Urbanistikës e më pas në Fakultetin e Historisë dhe Filologjisë. Përveç profesionit të arkitektit ai është angazhuar edhe në misionet arkeologjike në qytet, në cilësinë e skicografit. Gjithashtu është angazhuar edhe në fushën e arteve figurative.

Nesti Angoni

Autori i këtij artikulli, "Nesti Angoni", nuk është një personazh real dhe ai nuk lidhet me dosjen e Erion Veliajt, por simbolizon gjëmën që ai bëri në politikën shqiptare. "Nesti" i këtij artikulli personifikon rezistencën e heshtur qytetare, e cila nga frika e persekutimit dhe rrezikimit të çdo gjëje, nuk e përcjell hapur qëndrimin e saj. Nesti Angoni është zëri i të pazëshëmve!

Amfora PLAN B

Kontributor - Amfora.al

Amfora.al është një media online kushtuar arkeologjisë dhe monumenteve të kulturës në Shqipëri, me fokus në qytetin e Durrësit. Ne synojmë të nxisim gazetarët dhe jo vetëm, të kontribuojnë me shkrime dhe mendime mbi arkeologjinë dhe monumentet e kulturës, duke krijuar vlerë në informimin e publikut. Kjo përmbajtje është përgjegjësi e autorit të cituar në shkrim dhe jo e redaksisë sonë. Artikulli po publikohet me mbështetjen editoriale dhe në përputhje me standardet profesionale të “Amfora.al”.

Ruel Domi

Ai është diplomuar në Concordia College (Minnesota, SHBA) në "Financë" dhe "Shkenca Politike" ("Magna Cum Laude"). Gjatë studimeve ka qenë aktiv në kërkime dhe debate mbi politikat publike dhe zhvillimet globale. Ka ndjekur "Spring Policy Academy", të "The Heritage Foundation", në Washington DC, ku është trajnuar mbi buxhetin federal, ekonominë amerikane dhe sigurinë kombëtare. Kontribuon rregullisht me analiza mbi zhvillimet politike, ekonomike dhe sociale në median shqiptare dhe ndërkombëtare. Që prej vitit 2024 drejton podcastin “Politikë Javore me Ruelin”, ku trajton temat kryesore të javës në politikën shqiptare dhe botërore, me një qasje të drejtpërdrejtë dhe të argumentuar. Aktualisht është fokusuar në analizën e politikave socio-ekonomike dhe kulturore, duke mbështetur ekspertizën e pavarur në debatin publik shqiptar.

Vali Qyrfyçi