Shkëlqimi dhe rrënimi i Urës së Zogut
“Kultura në 1 Minutë”/ Episodi 24
Pjesë nga video e publikuar
Ura me “Harqe e Milotit”, “Ura e Matit” apo “Ura e Zogut” mbetet unike në stilin e saj. Ndërtimi përfundoi më 14 maj të vitit 1927 dhe lidhte të gjithë Shqipërinë e zonës së nën Matit me zonat veriore.
Nismëtari i saj ishte mbreti Ahmet Zogu, në nder të të cilit ura 478 metra e gjatë njihet edhe si “Ura e Zogut”. Ajo është e tipit të varur dhe mbetet e veçantë për shkak të ndërtimit në atë kohë me betonarme dhe hekur.
Njëra këmbë e urës tashmë gati një shekullore ka çeduar dhe ka nevojë për ndërhyrje të menjëhershme për stabilizimin dhe qëndrueshmërinë e strukturës. Falë aktivizmit të të rinjve ura monument kulture shumë e rrezikuar u shpall nga organizata “Europa Nostra” një nga 7 monumentet më të rrezikuara për vitin 2022.
