Festë Deti 2025, vlerësoi me titullin “Mirënjohja e qytetit” 3 figura të detarisë së Durrësit

Festa e Detit 2025, organizuar të martën nga Shoqata “Durrësi Autokton”, solli një aktivitet të veçantë në kuadër të edicionit të saj tradicional dhe në prag të 25 Qershorit – Ditës së Marinarit.

Festa e Detit, e kthyer tashmë në një traditë në qytetin bregdetar është ditë që i kushtohet detit, kujtesës kolektive dhe identitetit historik të qytetit bregdetar, ndërsa bëri bashkë në disa aktivitete qytetarë dhe vizitorë të shumtë.

U nderuan tre figura të shquara të detarisë durrsake, kapiten Hamdi Domi, kapiten Halim Milaqi, dhe Dashamir Janina. Për ta u akordua nga shoqata “Durrësi Autokton”  çmimi “Mirënjohja e Qytetit të Durrësit” me motivacionin për “kontributin e tyre në profesionin e detarit dhe gjurmët që kanë lënë me historinë e shkruar të flotës detare shqiptare” . 

Në një atmosferë festive u paraqitën  për jetën dhe kontributin e figurave të detarisë u shfaqën dokumentarë të shkurtër të realizuat nga Astrit Tahiri

Mbrëmja festive nisi më herët sipas traditës me lundrimin në bregdet. Qytetarë  dhe turistë u bënë pjesë e një lundrimi përgjatë bregdetit të Durrësit, me rimorkiatorin “Epidamn” e mundësuar nga Bujar Hoti.

Gjatë udhëtimit, pjesëmarrësit shijuan muzikë në bord dhe u njohën më nga afër me historinë dhe bukuritë natyrore të gjirit të Durrësit, ku ky lundrim solli promovimin e turizmit lokal.

Pas lundrimit, aktivitetet vijuan me një ceremoni festive ku u interpretuan këngë dhe valle tradicionale nga këngëtarët Dhimitër Stefa, Luljeta Strefi, Violeta Beshiri dhe grupi i baletit të studios së Arian Plakut.