A e përjetuat mungesën e ujit këtë verë?!
Këtë sezon veror shumë zona të vendit u përballën me mungesë të zgjatur të ujit të pijshëm dhe mijëra familja u detyruan të përshtaten me orare të kufizuara furnizimi. Amfora kërkon të mësojë eksperiencën tuaj si banorë apo turistë për mungesën e ujit në Shqipëri.
Grafikë ilustruese nga Amfora
Vera e këtij viti solli temperatura rekord nxehtësie dhe periudha të gjata thatësire, duke e bërë edhe më të vështirë mungesën e furnizimit me ujë për mijëra familje në të gjithë vendin.
Në shumë lagje furnizimi me ujë të pijshëm u mundësua vetëm për pak orë në ditë, ndërsa në disa zona mungoi për ditë të tëra. Për të kuptuar më mirë sesa e përhapur dhe e rëndë ka qenë kjo situatë, ne kemi nevojë për të mësuar historitë dhe dëshmitë tuaja.
Ndani përvojën tuaj përmes pyetësorit të Medias Amfora, duke mbetur anonim dhe mbështesni raportimin tonë duke u përgjigjur deri më datë 20 gusht 2025, ora 23:59.
