Policia e Durrësit ndaloi në port një 37 vjeçar nga Elbasani që kishte fshehur në një furgon mallrash 10 piktura që dyshohet po trafikoheshin me qëllim fitimin. Sipas policisë ato kapnin vlerën e tregut 25.000 euro dhe 2 persona të tjerë u shpallën në kërkim si të përfshirë në këtë rast.
Në Shqipëri autoritetet e kulturës – policisë dhe të prokurorisë kanë dështuar të kenë rezultate për një marrëveshje që do t’i kordinonte për zbulimin dhe ruajtjen e objekteve të trashëgimisë kulturore. E njëjta qasje mbetet edhe për një marrëveshje me SHBA-në – Teksa objekte arkeologjike të zbuluara janë lënë rrugëve.
Policia e Durrësit ndaloi 2 trafikantë që do shisnin objekte arkeologjike jashtë vendit për 10 mijë deri në 20 mijë euro. Atyre ju gjetën 13 objekte arkeologjike, teksa një prej të ndaluarve kishte punuar në parqe arkeologjike.
Policia e Fierit arrestoi dy persona dhe sekuestroi 107 vepra arti, të dyshuara si të trafikuara nga Greqia me qëllim shitjen e tyre në Shqipëri. Një prej të ndaluarve i përkiste komunitetit rom, përfaqësues të së cilit kundërshtuan arrestimin dhe deklaruan se vepra të tilla i shisnin për pak lek, pasi i deklaronin në doganë.
Policia arrestoi një 32-vjeçar nga Kosova që teksa po kalonte në Portin e Durrësit ju gjetën në bagazhin e automjetit 7 skulptura të dyshuara si vepra arti, që mendohet se do t’i trafikonte.
