Banorë nga disa zona të vendit protestuan para parlamentit kundër projekteve që, sipas tyre, po përdoren për t’u marrë pronat në emër të investimeve strategjike. Ata thonë se këto ndërhyrje po cenojnë të drejtën e pronës dhe po vështirësojnë jetesën e komuniteteve lokale.
Banorët e një rruge në Durrës kundërshtojnë vlerat e shpronësimit për projektin e unazës, pasi dëmshpërblimi nuk u siguron një banesë tjetër dhe procesi është shoqëruar me mungesë konsultimi. Ndërkohë, investimi zbatohet në zonë me potencial të lartë arkeologjik, pa monitorim gjatë punimeve.
Protesta kundër projektit TID në Durrës u shoqërua me tensione, ndërhyrje policie dhe shoqërimin e disa protestuesve. Ndërkohë, mbledhja e Këshillit Bashkiak për subvencionimet u zhvillua mes debatesh dhe u braktis nga një pjesë e këshilltarëve.
Në bregdetin e Rrjollit, në Velipojë, familje që kanë tokë të trashëguar ndër breza po përballen me një investim strategjik që ka nisur punimet në zonë. Banorët kanë dalë në protesta për të kundërshtuar projektin, ndërsa çështja e pronësisë mbetet ende pa një përgjigje përfundimtare nga institucionet.
Në Durrës u zhvillua protesta e radhës në reagim ndaj përmbytjeve që prej disa ditësh kanë prekur zona të ndryshme të qytetit. Protestuesit kërkuan shpalljen e gjendjes së emergjencës, thellimin e hetimeve dhe marrjen e masave të menjëhershme institucionale për përballimin e situatës.
Kryeministri Edi Rama e ka cilësuar Velierën në Durrës si “vepër të bukur urbane”, ndërsa projekti ka kushtuar rreth 10 milionë euro dhe mbetet simbol i betonizimit të qytetit bregdetar. Ndërtimi i kontestuar shkaktoi protesta pas dëmtimeve të trashëgimisë arkeologjike pranë Kullës Veneciane, duke e lënë Durrësin me një plagë të hapur mbi historinë e tij.
Qytetarët e Durrësit kanë nisur nënshkrimin e një peticioni kundër projektit “TID Durrës”, duke kërkuar ndalimin e zbatimit dhe hapjen e një procesi real konsultimi publik. Ata e konsiderojnë projektin të paqartë, pa transparencë dhe me rrezik për trashëgiminë, identitetin dhe pronën në qendrën historike të qytetit.
Prindërit e nxënësve të shkollës 9-vjeçare në Porto-Romano protestuan në Durrës. Ata kundërshtuan heqjen e transportit, që i la fëmijët pa mësim në ditën e parë të vitit shkollor.
Punonjësit e “Focus Media Group”, së bashku me kolegët gazetarë, profesionistë dhe deputetë të opozitës zhvilluan një protestë para ndërtesës të Televizionit News 24 dhe Gazetës Panorama, pas marrjes së ndërtesës nga Policia e Shtetit dhe “Kompania KAYO”. Në protestën e organizuar kundër veprimeve që sollën edhe ndërprerjen sinjalit televiziv, u bë thirrje për lirimin e ndërtesës dhe rikthimin në punë të gazetarëve të rrjetit mediatik.
Aktivistja e njohur Greta Thunberg vizitoi Tiranën të mërkurën për të marrë pjesë në një protestë kundër krizës humanitare në Rripin e Gazës. Nga Sheshi “Skënderbej” ajo denoncoi politikat izraelite si shkaktare të urisë ekstreme dhe bllokadës së ndihmave humanitare në Gaza, duke i quajtur këto veprime si pjesë të një gjenocidi të heshtur.
