Vizita e ministrit të jashtëm izraelit Gideon Sa’ar, në Tiranë, u shoqërua me pretendime të pabazuara për “dorëzimin” e Shqipërisë dhe thirrje për reagim qytetar në media dhe rrjetet sociale. Gjatë vizitës dy vendet nënshkruan një marrëveshje për zgjerimin e bashkëpunimit në ekonomi, teknologji, energji, siguri dhe fusha të tjera.
Një video e një kabine elektrike të përfshirë nga flakët në Vlorë u shpërnda në rrjetet sociale me pretendimin e rremë se tregonte një “Airbnb” të djegur pasi pronari kishte dëbuar disa ushtarë izraelitë. Pretendimi u përhap në disa gjuhë, duke u shoqëruar me narrativa anti-izraelite dhe në disa raste me gjuhë dehumanizuese.
Postime virale me narrativa kundër Familjes Trump, komente në rusisht dhe përmbajtje të shpërndara nga profile anti-izraelite dhe anti-elitare u përhapën me shpejtësi në rrjetin social “X” pas revoltës në Kakome. Konflikti lokal mbi pronësinë dhe aksesin në plazh u transformua në një histori globale kundër familjes presidenciale amerikane dhe i nxjerrë nga konteksti real i protestës.
Një ditë pas zgjedhjeve në Hungari, ku kryeministri Viktor Orbán pësoi një humbje elektorale që sinjalizon dobësimin e modelit të tij politik, retorika e ndërtuar prej vitesh nga ai mbetet e pranishme në hapësirën mediatike evropiane, veçanërisht në Evropën Lindore dhe në mediat shqipfolëse, si një dëshmi e narrativave dezinformuese. Deklaratat e tij me tone alarmiste për zgjerimin e Bashkimit Evropian dhe NATO-s u amplifikuan nga rrjete mediatike proqeveritare dhe platforma pro-ruse, duke u ricikluar shpesh pa verifikim dhe pa kontekst.
