Varri monumental romak i zbuluar një vit më parë në Strikçan të Bulqizës është përzgjedhur mes pesë finalistëve për çmimin ndërkombëtar të zbulimit arkeologjik “Palmyra”. Gjetja shqiptare garon edhe për çmimin e publikut, ku votimi qëndron i hapur deri më 15 tetor.
Mozaikë të një faze më të hershme të Bazilikës Paleokristiane të Elbasanit kanë dalë në dritë gjatë gërmimeve të këtij viti, duke sjellë të dhëna të reja për historinë e qytetit antik të Scampis dhe evolucionin e monumentit. Arkeologët besojnë se kompleksi shtrihet përtej zonës së eksploruar deri më sot.
Një ekip studiuesish vendas dhe të huaj prezantuan në Institutin e Arkeologjisë gjetjet e reja mbi historinë, përdorimin dhe funksionet e strukturës më të madhe antike në Durrës, amfiteatrit të ndërtuar në periudhën romake. Kërkimet sollën edhe rindërtimin e aspekteve volumetrike dhe të të gjithë strukturës përmes formatit virtual “3D”.
Transformimi i “Forumit Bizantin” nga një hapësirë tregtare në një hapësirë banimi, me nivel elementar ndërtimi, ka fshehur në rrënoja gjurmët e banesave të ngritura aty. Për herë të parë arkeologët kanë zbuluar ambientin e një banje që i përket fundit të shekullit VI, duke dëshmuar për nivelin e jetesës dhe kushtet e higjienës.
