Rritja e numrit të shtetasve të huaj me leje qëndrimi në Shqipëri u paraqit në rrjetet sociale dhe media si zëvendësim i punëtorëve shqiptarë dhe si burim kriminaliteti. Të dhënat zyrtare e konfirmojnë këtë rritje, por nuk provojnë se ardhja e tyre ka sjellë uljen e pagave, zëvendësimin e punëtorëve shqiptarë apo rritjen e kriminalitetit.
Shkolla jopublike “Udha e Shkronjave” kërkoi heqjen e nderimit shtetëror dhe të pushimit zyrtar për Nënë Terezën, pasi nderimi “Naim Frashëri” nuk u përfshi në sistemin e ri të dekoratave dhe kjo u paraqit si heqje e cilësimit “Poet Kombëtar”. Pretendimi e riktheu figurën e Shën Terezës në qendër të një diskursi dezinformues, që e vendoste përballë figurës së Naim Frashërit.
Zjarret që përfshinë Shqipërinë gjatë verës u shoqëruan nga një valë postimesh që i lidhnin pa prova me turistët dhe shtetasit izraelitë. Pretendimet u përsëritën nga Kruja në Himarë, ndërsa të dhënat zyrtare nuk e mbështesin këtë lidhje dhe ekspertët e turizmit paralajmërojnë se narrativa të tilla mund të cenojnë perceptimin e Shqipërisë si destinacion i sigurt.
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u përhapën me shpejtësi në rrjetet sociale, duke deformuar protestat kundër projektit në Zvërnec. Analiza tregon se si një protestë paqësore u shndërrua “online” në simbol të teorive për kolonizim, ndikim të huaj dhe konflikte që nuk kishin lidhje me realitetin në terren.
Ministri Blendi Gonxhja shpalli si sukses marrëveshjen me koncesionarin e portit për “restaurimin” e monumentit antik “Muret e Portës” në Porto-Romano. Por më herët kompania Porti MBM, e drejtuar nga Kastrati Group, rrafshoi pjesën më simbolike të tij – portën hyrëse – rreth 25 metra të murit fortifikues.
Arkeologët kanë zbuluar në Strikçan të Bulqizës një varr monumental unik të Periudhës Romake, që sipas autoriteteve është i pari në Qarkun Dibër. Monumenti përmban mbishkrime në dy gjuhë dhe objekte funerare të rralla, datuar në shekujt III-IV e.s.
