Bashkia Durrës ka në buxhet mbi 950 milionë lekë për menaxhimin e mbetjeve, ndërsa parashikon edhe ndërtimin e një stacioni transferimi. Në terren, banorët e Spitallës protestuan të enjten, duke denoncuar se prej vitesh jetojnë me erën e rëndë dhe mbetjet e grumbulluara pranë banesave.
Policia e Durrësit arrestoi dy persona në Maminas, pasi në automjetin ku udhëtonin u gjetën 3 pistoleta dhe 34 fishekë. Armët dyshohet se u trafikuan nga Kosova me qëllim shitjen te grupet kriminale në Shqipëri, ndërsa hetimet vijojnë për identifikimin e personave të tjerë të përfshirë.
Fati i 102 kontejnerëve me rreth 2,800 ton mbetje të rrezikshme mbetet i pazgjidhur. Pas kthimit në Portin e Durrësit, ato u zhvendosën në Porto-Romano dhe më pas në Shënavlash, pranë banesave, bizneseve dhe universitetit. Institucionet e argumentuan zgjedhjen e zonës me arsye logjistike dhe operacionale, ndërsa banorët thanë se nuk janë informuar për praninë e tyre.
Një eklips i pjesshëm i Diellit dhuroi një pamje të rrallë mbi Adriatik, ndërsa fenomeni u ndoq edhe nga bregdeti i Durrësit. Qytetarë, pushues dhe vizitorë kthyen vështrimet nga qielli, duke fiksuar me celularë e aparate fotografike çastet e fenomenit të rrallë astronomik.
Dy vite pas zbulimit të strukturave arkeologjike në territorin e Gjimnazit “Gjergj Kastrioti” në Durrës, gjetjet janë lënë të mbuluara nga bimësia dhe të ekspozuara ndaj faktorëve atmosferikë që rrezikojnë degradimin e tyre. Teksa ndërtesa e gjimnazit u shemb pas dëmtimit nga tërmeti i 26 nëntorit 2019, ende nuk është vendosur për kushtet e rindërtimit të tij.
Vendimi i fundit i qeverisë shfuqizon një akt të vitit 2020 që lidhej me procesin e rindërtimit në Durrës, por nuk anulon projektin TID. Mbivendosja e disa prej banesave të përfshira në zonën e rindërtimit me ato që preken nga TID-i krijon një situatë të re për zbatimin e projektit, prej muajsh i kundërshtuar nga banorët.
Prej muajsh, 102 kontejnerët me mbetje të rrezikshme, të vendosur në afërsi të Shënavlashit në Durrës, qëndrojnë mes një zone të banuar dhe një territori ku është përqendruar një numër i madh biznesesh. Deputeti Igli Cara kërkoi marrjen e masave për trajtimin e tyre dhe përgjigje nga institucionet përgjegjëse për kushtet e ruajtjes dhe zgjidhjen përfundimtare të mbetjeve.
Një performancë poetike, e bazuar në librin “Hartë memece për të mbyturit”, të shkrimtarit Arjan Leka, e ktheu bregdetin e Durrësit në një skenë kujtese për 35-vjetorin e eksodit shqiptar. Përmes poezisë, teatrit dhe instalacionit artistik, artistët sollën në vëmendje tragjeditë e atyre që humbën jetën në det, por edhe pyetjen që mbetet ende aktuale: Pse shqiptarët vazhdojnë të largohen edhe sot?
Në qendrat shëndetësore verore ka nisur zbatimi i sistemit të tarifimit për turistët e huaj jo rezidentë, ndërsa qytetarët shqiptarë vijojnë të marrin shërbim falas. Të ardhurat e mbledhura do të mbeten në dispozicion të vetë qendrave shëndetësore për të përmirësuar shërbimet dhe kushtet e punës.
Mbi 1 vit pasi u shpall në kërkim nga SPAK-u në kuadër të operacionit “Ura”, Denis Tafili dyshohet se u përfshi në një konflikt të armatosur në Shkallnur të Durrësit dhe arriti të largohej megjithëse aty dyshohet se ishte edhe një punonjës policie. Ngjarja, ku po hetohet efektivi rikthen në vëmendje vështirësitë në arrestimin e anëtarëve të kërkuar të grupit kriminal Troplini-Doçi.
