Një seri fotografish nga shtatë vende të Azisë prezantohen në Durrës përmes objektivit të fotografit italian Massimo Saretta. Ekspozita sjell 84 imazhe të realizuara përgjatë më shumë se dy dekadave, duke ndërtuar një rrëfim vizual mbi kulturat, besimet dhe jetën e përditshme në kontinentin aziatik.
Dy piktura u sekuestruan në hyrje të Shqipërisë gjatë kontrollit të një kamioni, pasi nuk shoqëroheshin me dokumentacion blerjeje. Drejtuesi i mjetit, një 47-vjeçar nga Malësia e Madhe, u procedua penalisht për rastin.
Galeria e Arteve Pamore “Nikolet Vasia” në Durrës prej pesë vitesh nuk është pasuruar me asnjë vepër të re nga fondet publike. Gjatë periudhës 2020–2025 galeria ka shpenzuar mbi 22 milionë lekë për paga dhe rreth 3.7 milionë lekë për sigurime shoqërore, ndërsa 2.1 milionë lekë të akorduara nga Bashkia janë përdorur për korniza, restaurime e mirëmbajtje.
Edicioni i pestë i konkursit kombëtar solli një rrugëtim të pasur me fotografi që promovojnë trashëgiminë natyrore e kulturore të vendit. Mes tyre, u veçua fotografia “Shteg, Lumi i Gashit, Tropojë”, e cila do të prezantohet së shpejti si pjesë e ekspozitës në Parkun Arkeologjik Kombëtar Apolonia.
Fotografi italian Fabrizio Loiacono hapi në Durrës ekspozitën e tij të parë në Shqipëri, titulluar “Glance off it”, Rrëshqitje, me 16 fotografi abstrakte. Ekspozita do të qëndrojë e hapur nga 5 deri më 28 shtator.
Është ndarë nga jeta regjisori i njohur Dhimitër Anagnosti, një nga figurat më të rëndësishme të kinematografisë shqiptare, autor i filmave që lanë gjurmë në kulturën kombëtare.
Piktori nga Durrësi, Fatmir Vasjari, prezantoi për publikun ekspoziten e katërt personale. Ajo i solli publikut portrete realiste të emrave të njohur për qytetin dhe do të qëndrojë e hapur për të pritur publikun për disa ditë.
Rreth 120 nxënës nga Shqipëria dhe të tjerë nga nëntë vende të ndryshme të botës u bënë pjesë e një ngjarje kulturore me në fokus trashëgiminë lokale. Të rinjtë krijuan një film të shkurtër duke përcjellë mesazhe mbi indentitetin, kujtesën dhe të ardhmen e përbashkët, i cili u prezantua për publikun në kuadër të “Odisesë së Kinemasë Pozitive”.
Në Shqipëri autoritetet e kulturës – policisë dhe të prokurorisë kanë dështuar të kenë rezultate për një marrëveshje që do t’i kordinonte për zbulimin dhe ruajtjen e objekteve të trashëgimisë kulturore. E njëjta qasje mbetet edhe për një marrëveshje me SHBA-në – Teksa objekte arkeologjike të zbuluara janë lënë rrugëve.
Operacionet policore për ndalimin e trafikantëve të veprave të artit po rezultojnë flluska me pasoja për tregtarët dhe anëtarët e komunitetit rom. Dogana Shqiptare pretendon se ka ekspertizë, por nuk ka një databazë për veprat e artit të grabitura, ndërsa në vend theksohet mungesa e ekspertëve të profilizuar në vlerësimin e tyre.
