Herakliti dhe jeta si ndryshim
Sa herë e kemi dëgjuar togfjalëshin “Hapësirë rehatie”? Sa herë kemi tentuar të bëjmë një ndryshim por kemi pasur frikë? Për Heraklitin jeta nuk është një poezi e qetë, por një lumë që rrjedh mes shkëmbinjsh, që përplas dhe shuan, që merr dhe jep, por që kurrë nuk ndalon. Dhe njeriu, nëse e kupton këtë, bëhet pjesë e një harmonie më të madhe se vetvetja i një harmonie që s’është paqe, por drejtësi; që s’është pushim, por ritëm; që s’është rregull i vendosur njëherë e mirë, por urtësi që e gjen rrugën në mes të ndryshimit me ndihmën e ‘Logos’-it.