Organizata për mbrojtjen e kafshëve “Animals Need Me” prezantoi të dhënat e një indeksi për mirëqenien e kafshëve, gjatë një tryeze për kujdesin ndaj tyre dhe sigurinë e qytetarëve. Nga 17 bashkitë që u përgjigjën për vitin 2026, vetëm dy raportuan strehë funksionale për kafshët, ndërsa 11 nuk kishin parashikuar fonde posaçërisht për mirëqenien e tyre.
Bashkia e Durrësit prishi në muajin prill kanalin e ndërtuar nga vetë banorët e lagjes nr. 13, me premtimin për ta përmirësuar. Por, prej muajsh, kanali mbetet i hapur pranë shtëpive, ndërsa banorët kërkojnë sistemimin e tij përpara nisjes së shirave.
Prej muajsh, 102 kontejnerët me mbetje të rrezikshme, të vendosur në afërsi të Shënavlashit në Durrës, qëndrojnë mes një zone të banuar dhe një territori ku është përqendruar një numër i madh biznesesh. Deputeti Igli Cara kërkoi marrjen e masave për trajtimin e tyre dhe përgjigje nga institucionet përgjegjëse për kushtet e ruajtjes dhe zgjidhjen përfundimtare të mbetjeve.
Nga reklamat e “ilaçeve mrekulli” te videot e krijuara me inteligjencë artificiale, dezinformimi në shëndetësi po merr forma gjithnjë e më të sofistikuara. Përdorimi i figurës dhe zërit të mjekëve për të promovuar produkte apo për të përhapur informacione të rreme po e bën gjithnjë e më të vështirë dallimin mes këshillës mjekësore dhe mashtrimit.
Autoriteti Kombëtar i Ushqimit bllokoi mbi 2.4 ton produkte të pasigurta ose pa etiketim gjatë kontrolleve në Tregun Agro-Ushqimor në Tiranë. Për shkeljet e konstatuara u vendosën 7 gjoba me vlerë totale 1.6 milionë lekë.
