Prokuroria e Durrësit kërkoi masa sigurimi për 12 persona, mes tyre punonjës të Agjencisë Shtetërore të Kadastrës (ASHK), të dyshuar për falsifikimin e dokumenteve të pronësisë dhe tjetërsimin e tokave në zonën bregdetare të qytetit. Sipas hetimit, skema çoi në regjistrimin e paligjshëm të pronave shtetërore dhe sekuestrimin e rreth 53 mijë metrave katrorë tokë.
Vetëm pak javë pasi kryeministri Edi Rama deklaroi se ligji për investimet strategjike e kishte përmbushur misionin e tij, qeveria miratoi transferimin e 88.5 hektarëve tokë shtetërore për projektin “Vlorë TEDA/RAMS Free Zone”. Projekti me vlerë 100 milionë dollarë kishte marrë statusin e investimit strategjik në shkurt 2026 dhe do të zhvillohet nga “RAMS Albania”, kompani e kontrolluar nga Mehmet Faruk Bülbül, CEO i grupit turk RAMS Global.
SPAK dërgoi në gjykatë tetë persona, të akuzuar për një skemë të dyshuar të tjetërsimit të pronave nga Shijaku në Kepin e Rodonit. Sipas Prokurorisë, hetimi çoi në sekuestrimin e rreth 687 mijë metrave katrorë tokë, me një vlerë të përllogaritur mbi 16 milionë euro.
