Kalaja e Durrësit mbart mbi dy mijë vjet histori, por pjesa më e madhe e kullave të saj mbeten ende jashtë aksesit publik. Mungesa e restaurimeve, presioni urban dhe mungesa e një plani të integruar menaxhimi po mbajnë një nga monumentet më të rëndësishme historike larg vizitorëve dhe zhvillimit të qëndrueshëm.
Dy familje, banesat e të cilave u shembën në fund të janarit në zonën e Urës së Dajlanit në Durrës, kanë përgatitur paditë e para kundër Inspektoratit të Mbrojtjes së Territorit dhe bashkisë së qytetit. Me mbështetjen e organizatës “Drejtësi Sociale”, ato do t’i drejtohen Gjykatës Administrative duke kërkuar dëmshpërblim për dëmin pasuror dhe jopasuror.
Këtë javë, çelja e Ramazanit dhe fillimi i Kreshmës po ecin paralel duke vendosur në qendër agjërimin, reflektimin dhe kujdesin për tjetrin. Në një kohë sfidash dhe pasigurish, ky përkim rikujton se përtej dallimeve, vlerat që bashkojnë mbeten më të forta se çdo ndarje.
Pas akuzave të SPAK për korrupsion në AKSHI u përhap një valë artikujsh që pretendonin se Bashkimi Evropian kishte ndërprerë fondet për axhendën digjitale të Shqipërisë, me idenë se institucioni ishte i korruptuar. Nga ana tjetër Delegacioni i BE-së konfirmoi për Amforën se nuk ka asnjë fond të ngrirë për axhendën digjitale.
Banorët e një rruge në Durrës kundërshtojnë vlerat e shpronësimit për projektin e unazës, pasi dëmshpërblimi nuk u siguron një banesë tjetër dhe procesi është shoqëruar me mungesë konsultimi. Ndërkohë, investimi zbatohet në zonë me potencial të lartë arkeologjik, pa monitorim gjatë punimeve.
Një defekt në linjën kryesore të furnizimit me ujë, i shkaktuar nga rrëshqitja e dheut, la pa ujë disa lagje të Durrësit të premten. Problemi u riparua rreth orës 04:00, ndërsa furnizimi pritet të rikthehet gradualisht pasi të mbushen depot.
Planet për ndërtimin e një resorti në zonën e Baks-Rrjollit kanë sjellë kundërshtime nga organizatat për mbrojtjen e natyrës. Sipas tyre, projekti prek një peizazh të mbrojtur me status kombëtar dhe ndërkombëtar.
Banorët e Rrjollit dhe disa lagjeve të Durrësit u bashkuan në një protestë para Kuvendit kundër projekteve që u rrezikojnë shtëpitë dhe tokat. Aksioni i përbashkët synon mbrojtjen e pronës dhe ndalimin e ndërhyrjeve që prekin komunitetet e tyre.
Një seri fotografish nga shtatë vende të Azisë prezantohen në Durrës përmes objektivit të fotografit italian Massimo Saretta. Ekspozita sjell 84 imazhe të realizuara përgjatë më shumë se dy dekadave, duke ndërtuar një rrëfim vizual mbi kulturat, besimet dhe jetën e përditshme në kontinentin aziatik.
Reshjet e 6 janarit 2026 dëmtuan katër monumente kulture, ndërsa rreth dhjetë të tjerë rezultojnë në gjendje të amortizuar ose në risk. Disa prej tyre kanë marrë ndërhyrje emergjente, ndërsa për të tjerët projektet e restaurimit mbeten në planifikim.
