Dezinformimi si armë kundër aktivizmit mjedisor
Nga Zall-Gjoçaj në Pishë Poro-Nartë, konfliktet për hidrocentrale, projekte turistike dhe ndërhyrjet në zonat e mbrojtura po shoqërohen me sulme në internet dhe narrativa diskredituese ndaj aktivistëve dhe banorëve. Në mungesë të provave konkrete, akuzat dhe përplasjet në rrjetet sociale synojnë ta largojnë debatin nga mbrojtja e mjedisit në sulme ndaj personave që kundërshtojnë këto projekte.