Manastiri i Shën Gjergjit, Monument Kulture i Kategorisë së Parë, është një pikë e rëndësishme e trashëgimisë historike dhe shpirtërore në jug të vendit. Vjedhja e njërës prej kambanave ka shkaktuar shqetësim në komunitetin lokal dhe ka rikthyer vëmendjen te mbrojtja e trashëgimisë në zonë.
Bashkimi Evropian ndau tre çmime për tregimet më të spikatura investigative në Shqipëri gjatë vitit 2024. Vendi i parë iu dha gazetarëve Geri Emiri dhe Erjola Azizolli nga Amfora.al, për artikullin që zbuloi shkatërrimin e arkeologjisë në Parkun Kombëtar të Butrintit, si pasojë e ndërtimeve me status investitor strategjik në “Gjirin e Manastirit”.
Ndërtimi i një resorti e transformoi përgjithmonë Gjirin e Manastirit, që ndan Detin Jon me Liqenin e Butrintit dhe nga ana tjetër shkatërroi potencialin arkeologjik të zonës, përfshirë një zbulim të vitit 2010. Kompania nuk respektoi monitorimin arkeologjik dhe u gjet në shkelje nga një vlerësim i UNESCO-ICOMOS. Ndërsa autoritetet e kulturës censuruan dokumentet dhe ndërruan disa herë alibi.
