Punimet për Banjat e Bënjës në Përmet janë shtrirë edhe në Kanionin e Langaricës, një monument natyre, ku po përdoret beton në emër të zhvillimit turistik. Ekspertët flasin për ndërhyrje që nuk lejohen, ndërsa projekti po kthehet në një debat të hapur mbi atë çfarë po ndodh realisht në këtë zonë të mbrojtur.
Në Durrës, bizneset turistike ngrejnë zërin kundër detyrimit për impiante ujërash, që sipas tyre i penalizon pa qenë ndotës. Ata kërkojnë ndryshimin e aktit normativ dhe nisën mbledhjen e firmave për një peticion.
Projekti për stadiumin e ri “Niko Dovana”, i prezantuar si një investim që do të transformonte zonën përreth, është ndalur para se të niste. Procedura për përzgjedhjen e partnerit privat u anulua pasi nuk u paraqit asnjë ofertë.
Tenderi për ndërtimin e portit të ri tregtar të Durrësit në Porto-Romano është anuluar pasi ofertuesi i vetëm në garë u tërhoq. Projekti, me vlerë rreth 400 milionë euro, synon zhvendosjen e aktivitetit tregtar nga porti aktual i Durrësit në Porto-Romano.
Përmbytja e 6 janarit në Durrës u shoqërua me dëmtime në disa segmente rrugore, të cilat u justifikuan publikisht si pasojë e reshjeve të shiut. Sipas ekspertëve të ndërtimit, ky shpjegim është i paplotë dhe krijon keqinformim, pasi shiu dhe përmbytjet nuk dëmtojnë rrugët e ndërtuara sipas standardeve, por nxjerrin në pah probleme ekzistuese teknike dhe strukturore.
