Publikime në rrjetet sociale pretenduan se gjatë protestave në Tiranë ishin angazhuar policë dhe mercenarë nga Serbia për të ndërhyrë ndaj protestuesve. Pretendimet u shoqëruan me mesazhe anonime, fotografi dhe video, ndërsa Policia e Shtetit mohoi përfshirjen e efektivëve serbë në tubimin e 15 tetorit.
Rritja e numrit të shtetasve të huaj me leje qëndrimi në Shqipëri u paraqit në rrjetet sociale dhe media si zëvendësim i punëtorëve shqiptarë dhe si burim kriminaliteti. Të dhënat zyrtare e konfirmojnë këtë rritje, por nuk provojnë se ardhja e tyre ka sjellë uljen e pagave, zëvendësimin e punëtorëve shqiptarë apo rritjen e kriminalitetit.
Zjarret që përfshinë Shqipërinë gjatë verës u shoqëruan nga një valë postimesh që i lidhnin pa prova me turistët dhe shtetasit izraelitë. Pretendimet u përsëritën nga Kruja në Himarë, ndërsa të dhënat zyrtare nuk e mbështesin këtë lidhje dhe ekspertët e turizmit paralajmërojnë se narrativa të tilla mund të cenojnë perceptimin e Shqipërisë si destinacion i sigurt.
Një video e një kabine elektrike të përfshirë nga flakët në Vlorë u shpërnda në rrjetet sociale me pretendimin e rremë se tregonte një “Airbnb” të djegur pasi pronari kishte dëbuar disa ushtarë izraelitë. Pretendimi u përhap në disa gjuhë, duke u shoqëruar me narrativa anti-izraelite dhe në disa raste me gjuhë dehumanizuese.
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u përhapën me shpejtësi në rrjetet sociale, duke deformuar protestat kundër projektit në Zvërnec. Analiza tregon se si një protestë paqësore u shndërrua “online” në simbol të teorive për kolonizim, ndikim të huaj dhe konflikte që nuk kishin lidhje me realitetin në terren.
